Քաղաքական15:50, 16 Հունվար 2023
Չավուշօղլու. «F-16-երի գնման գործընթացը դրական տեղաշարժ ունի»
Թուրքիայի արտգործնախարար Մևլյութ Չավուշօղլուն Բոսնիա և Հերցեգովինայի արտգործնախարարի հետ համատեղ մամլո ասուլիսում անդրադարձել է ԱՄՆ-ից «F-16»-երի գնման մասին տրվող հարցերին, թուրք-հունական, ինչպես նաև երկու երկրների միջև առկա հարաբերություններին:
Նախարարը, հիշեցնելով, որ հունվարի 17-18-ն այցելելու է ԱՄՆ, ասել է, որ զենքի ձեռքբերման շուրջ քննարկումներն ավարտվել են, և պետդեպի միջնորդությամբ ոչ պաշտոնական ձևով այն տրվել է Կոնգրեսին։
«Բոլոր մակարդակներում համաձայնությունն ապահովված է և հատկապես շատ է շեշտվում այն հանգամանքը, որ սա ոչ միայն Թուրքիայի, այլև ՆԱՏՕ-ի համար է կարևոր: Այստեղ, իհարկե, կամքն իշխանությանն է: Եթե իշխանությունը հաստատուն մնա այս գործընթացում, ոչ մի խնդիր էլ չի լինի»,- նշել է Չավուշօղլուն:
Անդրադառնալով թուրք-հունական հարաբերություններում առկա լարվածությանը՝ նա հայտնել է, որ կողմերի միջև հավասարակշռությունը սկսում է խախտվել, և դա նկատելի է նաև Կիպրոսի թուրքական և հույնական հատվածների միջև: Նախարարն ընդգծել է հարցի վերաբերյալ դաշնակից ԱՄՆ-ի ուշադրության կարևորությունը և ավելացրել, որ Թուրքիային չի հետաքրքրում՝ ով ում ինչ զենք է վաճառում, կարևորն այն է, թե Թուրքիայի շահերի պաշտպանության համար ինչպիսի քայլեր են արվում:
Այս ենթաբաժնի վերջին նորությունները
Թուրքիայի քաղավիացիայի գլխավոր վարչության և Արգենտինայի ավիացիոն վարչության միջև փոխըմբըռնման հուշագիր է ստորագրվել:
Ermenihaber.am-ի հետ զրույցում ակադեմիկոսն անդրադարձել է Թուրքիայում քրդական հարցի լուծման շուրջ ընթացող զարգացումներին, ինչպես նաև Սիրիայում քրդական միավորման ճակատագրին։
Հեռախոսազրույցի ընթացքում Ֆիդանը շեշտել է, որ Թուրքիան և ԱՄՆ-ն վճռական են որպես երկու դաշնակից շարունակել իրենց համագործակցությունը փոխադարձ հարգանքի և վստահության հիման վրա։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |