Քաղաքական13:07, 20 Հունվար 2023
The Economist.«Թուրքիայի մոտեցող դիկտատուրան». կիսալուսինը՝ Էրդողանի դեմքով
Անգլիական «The Economist» հանդեսի այս շաբաթվա համարի շապիկին Թուրքիայի դրոշի ֆոնին պատկերված է նախագահ Ռեջեփ Թայիփ Էրդողանի ուրվագիծը՝ «Թուրքիայի մոտեցող դիկտատուրան» գլխագրով: Նույն վերնագրով հոդվածում անդրադարձ է կատարվել մի քանի ամիս անց Թուրքիայում տեղի ունենալիք նախագահական ու խորհրդարանականա ընտրություններին:
«Դրսից նայողները պետք է ուշադրություն դարձնեն Թուրքիայի նախագահական և խորհրդարանական ընտրություններին, որոնք Ռեջեփ Թայիփ Էրդողանի խոսքերով կանցկացվեն մայիսի 14-ին։ Որովհետև գնալով անհավասարակշիռ դարձող նախագահի օրոք երկիրը աղետի եզրին է հասել: Ընտրություններին ընդառաջ Էրդողանի գործողությունները առանց այդ էլ թերի ժողովվրադավարություն ունեցող երկիրը կարող են տանել դեպի բռնապետություն»,- ասված է հոդվածում:
Այնուհետև հոդվածում ծավալուն անդրադարձ է կատարվում Էրդողանի կառավարման տարիներին նրա վարած քաղաքական գծի աստիճանական փոփոխությանը: Հիշեցվում է, որ Էրդողանի վարչապետ դառնալուց հետո 2003-ին ու հաջորդող մի քանի տարիներին Թուրքիայում տնտեսական կայունություն հաստատվեց, գեներալներին արգելվեց խառնվել քաղաքականությանը և քրդերի հետ երկխոսություն սկսվեց:
«Սակայն պարոն Էրդողանը որքան երկար մնաց իշխանության ղեկին իշխանության ղեկին, այնքան ավելի ավտոկրատ դարձավ: 11 տարի վարչապետ լինելուց հետո նա ընտրվեց նախագահ և նախկինում թույլ այս պաշտոնը սկսեց վերածել բռնաճնշումների պաշտոնի։ 2016-ի հեղաշրջման փորձից հետո տասնյակ հազարավոր մարդիկ պաշտոնանկ արվեցին կամ ձերբակալվեցին»:
Հոդվածի հեղինակը նշում է, որ Էրդողանն ներկայում հաստատուն կերպով «իրենով է արել» բոլոր ինստիտուտները, քայքայել հավասարակշռման և վերահսկման մեխանիզմները, լրատվամիջոցների մեծ մասը վերածել է պետական քարոզչության գործիքի ու փաստացի գրաքննում է ինտերնետը:
Նշվում է նաև, որ Էրդողանը բանտարկել է բազմաթիվ քննադատների, այդ թվում՝ ընդդիմության առաջնորդներին ու վերացրել է իր մրցակիցներին ԱԶԿ-ի ներսում:
«Մոտենում է իր իշխանության երրորդ տասնամյակը, և նա նստած է մեծ պալատում և հրաման է տալիս պալատականներին, ովքեր չեն համարձակվում ասել նրան, երբ նա սխալ է գործում: Նրա տարօրինակ համոզմունքները արագորեն դառնում են հանրային քաղաքականություն»,- եզրափակել է հոդվածագիրը:
Այս ենթաբաժնի վերջին նորությունները
«Medyascope TV»-ի կայքում հրապարակվել է Ռուշեն Չաքըրի «Ինչու՞ է Էրդողանը համառում հանդիպել Ասադի հետ. 4 պատճառ» հոդվածը:
Նախատեսվում է թուրք նախարարի հանդիպումը ՌԴ նախագահ Վլադիմիր Պուտինին։
Թուրքիայի արտգործնախարարը ելույթ է ունեցել «Իսլամական համագործակցության կազմակերպության» և «Արաբական լիգայի» Գազայի հարցով շփման խմբի արտգործնախարարների նիստին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Սեպտեմբերի 24-ից 26-ը Բաքվում կայանալիք «ADEX 2024» ցուցահանդեսին Թուրքիան ներկայացնող 50 ընկերություն է լինելու:
Թուրքական լրատվամիջոցներում տարածվում են հունական թերթում տեղ գտած լուրերը, որոնց համաձայն՝ Վաշինգտոնը Թուրքիային նոր առաջարկ է արել՝ ռուսական S-400-ների խնդիրը լուծելու հետ կապված:
Հանցանքի մեջ մեղադրվող անձը վերահսկողության տակ մնալու պայմանով այժմ գտնվում է ազատության մեջ:
Դա կլինի երկու երկրների առաջնորդների առաջին դեմ առ դեմ հանդիպումը Թուրքական տանը այն բանից հետո, ինչ Փեզեշքիանի ընտրվել է Իրանի նախագահի պաշտոնում:
«Medyascope TV»-ի կայքում հրապարակվել է Ռուշեն Չաքըրի «Ինչու՞ է Էրդողանը համառում հանդիպել Ասադի հետ. 4 պատճառ» հոդվածը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |