Էրդողանը նոր տվյալներ է հայտնել երկրաշարժի վերաբերյալ

Տարածաշրջան17:16, 07 Փետրվար 2023

Էրդողանը նոր տվյալներ է հայտնել երկրաշարժի վերաբերյալ

Թուրքիայի նախագահ Ռեջեփ Թայիփ Էրդողանն ուղիղ եթերով նոր տվյալներ է հայտնել երկրաշարժից տուժած քաղաքացիների ու զոհերի վերաբերյալ։

«Երկրաշարժի զոհերի թիվը հասել է 3․549-ի, իսկ վիրավորներինը՝ 22․168-ի։ Փրկվել է ավելի քան 8000 մարդ։ Մասնագետներն ասում են, որ սա նախադեպը չունեցող երկրաշարժ էր։ Ոչ միայն մեր հանրապետական Թուրքիայի պատմության, այլև տարածաշրջանի և աշխարհի ամենամեծ աղետներից մեկին ենք դեմ առ դեմ կանգնել»։

Էրդողանը նաև տեղեկացրել է, որ աղետի գոտում աշխատում է ավելի քան 53․000 փրկարար։ Ըստ նրա՝ մոտ 70 երկիր և 14 միջազգային կազմակերպություն են պատրաստակամություն հայտնել օգնել Թուրքիային։

Նա կոչ է արել քաղաքացիներին հեռախոսազանգեր կատարել խիստ անհրաժեշտության դեպքում և աղետի գոտի գնացող և այնտեղ գտնվող ճանապարհներից չօգտվել, չխոչընդոտել որոնողափրկարարական աշխատանքներին։

Թուրքիայի 10 նահանգներում հայտարարվել է արտակարգ դրություն և աղետի գոտի, ինչպես նաև ողջ երկրում՝ 7-օրյա սուգ։

Աղբյուր` haberler.com

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: