Թուրքիայում երկրաշարժի հետևանքով մահացածների թիվը հասել է 12.873-ի

Տարածաշրջան11:15, 09 Փետրվար 2023

Թուրքիայում երկրաշարժի հետևանքով մահացածների թիվը հասել է 12.873-ի

Փետրվարի 6-ին Թուրքիայի Քահրամանմարաշ (Մարաշ) նահանգում տեղի ունեցած 2 երկրաշարժերի հետևանքով մահացածների թիվը շարունակում է աճել:

Թուրքիայի նախագահականին կից Աղետների և արտակարգ իրավիճակների վարչության հրապարակած վերջին տվյալների համաձայն՝ ավերիչ երկրաշարժների հետևանքով մահացել է 12.873, վիրավորվել 62.937 քաղաքացի: Երկրաշարժը ավերածությունների պատճառ է դարձել Քիլիս, Դիարբեքիր, Ադանա, Օսմանիյե, Գազիանթեփ, Շանլիուրֆա, Ադըյաման, Մալաթիա, Հաթայ քաղաքներում ու դրանց հարակից շրջաններում:

Նշվել է նաև, որ փրկարարական աշխատանքներին մասնակցում են շուրջ 113 հազար մարդ, տարբեր երկրների գերատեսչություններից: Աշխատանքներին մասնակցում են նաև հազարավոր փրկարարներ աշխարհի տարբեր երկրներից, այդ թվում՝ Հայաստանից:

Աղետի գոտի է այցելել նաև Թուրքիայի նախագահ Ռեջեփ Թայիփ Էրդողանը, որը տեղում խոստացել է, որ կառավարությունը բոլոր ավերված շենքերի փոխարեն նորերը կկառուցի 1 տարվա ընթացքում:

Աղբյուր` Haberler.com

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: