Թուրքիայում երկրաշարժից մահացածների թիվն անցել է 31.000-ը

Հասարակական12:46, 13 Փետրվար 2023

Թուրքիայում երկրաշարժից մահացածների թիվն անցել է 31.000-ը

Փետրվարի 6-ին Թուրքիայում տեղի ուենցած ավերիչ երկրաշարժի զոհերի թիվը շարունակում է աճել։ Պաշտոնական տվյալների համաձայն՝ այս պահին մահացածների թիվն անցել է 31.000-ը։ Աղետի գոտուց տարհանվել է մոտ 148.000 քաղաքացի։ Ստորգետնյա ցնցումները վնաս են հասցրել Թուրքիայի 81 նահանգներից 10-ին, որտեղ էլ եռամսյա ժամկետով հայտարարվել է արտակարգ դրություն։

Աշխարհի տասնյակ երկրներից (այդ թվում և Հայաստանից) Թուրքիային օգնության են շտապել ավելի քան 9000 փրկարարներ։ Երկրաշարժի գոտում ընդհանուր առմամբ աշխատում է 233 հազարանոց անձնակազմ։ Գործի է դրվել 70 ինքնաթիռ, 167 ուղղաթիռ, 24 նավ և 45 անօդաչու թռչող սարք։

Թուրքիայի նախագահ Ռեջեփ Թայիփ Էրդողանը հայտարարել է, որ այս երկրաշարժը 3 անգամ ավելի ուժգին և 3 անգամ ավելի ավերիչ է եղել, քան 1999թ. տեղի ունեցածը։

«Գետնի վրա առաջացած ճեղքերը, մայրուղիների ու երկաթուղիների պատռված հատվածները վկայում են երկրաշարժի ուժգնության մասին։ Դե իսկ 100 հազարավոր շինություններ էլ այլևս պիտանի չեն բնակվելու համար»։

Աղբյուր` haberler.com

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։