Բարզանին Էրդողանին. «Քուրդ ժողովրդի սիրտը ձեզ հետ է»

Տարածաշրջան16:43, 15 Փետրվար 2023

Բարզանին Էրդողանին. «Քուրդ ժողովրդի սիրտը ձեզ հետ է»

Իրաքյան Քուրդիստանի նախագահ Նեչիրվան Բարզանին այցելել է Թուրքիայի Գազիանթեփ (պատմ. Այնթափ) նահանգի՝ երկրաշարժից տուժած շրջաններ։ Այնուհետև Անկարայում հանդիպել է Թուրքիայի նախագահ Ռեջեփ Էրդողանի հետ։

Նա ասել է, որ անձամբ իր ու քուրդ ժողովրդի զորակցությունը հայտնելու նպատակով է ժամանել Թուրքիա և մեկ անգամ ևս հաստատել, որ պատրաստ է ավելի շատ օգնություն տրամադրել երկրաշարժից տուժած շրջաններին։

Այցելելով Իսլահիե և Նուրդաղը շրջաններ՝ Բարզանին հանդիպել է վրաններում ապաստանած բնակչությանը։

«Մենք եղբայրներ ենք։ Դժվար ժամանակներում դու մեզ օգնեցիք, բացեցիք ձեր դռները մեր առաջ։ Այսօր էլ կարիք կա, որ մենք անենք հնարավոր ամեն բան ձեզ համար։ Այսօր Սուլեյմանիեում, Էրբիլում, Հալեպում և Դոհուքում, ողջ Քուրդիստանում նույն ցավն ենք ապրում։ Մեր ժողովրդի սիրտը ձեզ հետ է։ Տա՛ Աստված, որ հաղթահարեք այս ծանր օրերը»,-ասել է նա լրատվամիջոցների հետ հանդիպման ժամանակ։

Աղբյուր` rudaw.net

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: