Կատարը 70 մլն դոլարի օգնություն է տրամադրել Թուրքիային ու Սիրիային

Հասարակական12:06, 17 Փետրվար 2023

Կատարը 70 մլն դոլարի օգնություն է տրամադրել Թուրքիային ու Սիրիային

Կատարը հայտարարել է, որ մոտ 70 միլիոն դոլարի օգնություն է տրամադրել Թուրքիայում և Սիրիայում երկրաշարժից տուժածներին։

Կատարի արտաքին գործերի նախարարության խոսնակ Մաջիդ ալ-Անսարին հայտնել է, որ Կատարի կողմից Թուրքիայում և Սիրիայում երկրաշարժից տուժածներիի համար տրամադրված սննդի, բժշկական և այլ մարդասիրական օգնությունը հասել է 253 միլիոն ռիալի (70 միլիոն դոլար):

Անսարին նշել է, որ երկրաշարժից տուժածների համար մեկնարկած «Օգնություն և աջակցություն» արշավում մեկ գիշերվա ընթացքում հավաքվել է 168 միլիոն ռիալ (46 միլիոն դոլար): Արշավին 50 միլիոն ռիալ (14 միլիոն դոլար) էլ նվիրաբերել է Կատարի էմիր, շեյխ Թամիմ Բին Համադ Ալ Թանին:

Պաշտոնյան տեղեկացրել է նաև, որ մինչ այժմ դեպի Թուրքիա իրականացվել է 30 չվերթ, որոնց շրջանակներում տեղափոխվել է ավելի քան 600 տոննա պարենային, բժշկական և մարդասիրական օգնություն։

Ինչ վերաբերում է Կատարի կողմից սիրիացի ժողովրդին տրամադրվող օգնությանը, Անսարին հայտարարել է, որ Կատարի զարգացման հիմնադրամն աջակցում է սիրիական քաղաքացիական պաշտպանության ստորաբաժանումների որոնողափրկարարական և երկրաշարժից տուժածներին օգնելու աշխատանքներին:

Անսարին նշել է, որ որոշ լոգիստիկ դժվարություններ կան Սիրիայի հյուսիսային որոշ շրջաններ փոխադրումներ իրականացնելու հարցում՝ շեշտելով, որ Կատարն անում է հնարավորը որոնողափրկարարական աշխատանքներին աջակցելու և երկրաշարժից տուժածների հոգսերը թեթևացնելու համար։

Աղբյուր` Rudaw

Այս ենթաբաժնի վերջին նորությունները

12:38, 09 ապր

Թյուրքալեզու երկրների հասարակական կազմակերպությունների աշխատաժողովը կկայանա Անկարայում

Աշխատաժողովի նպատակն է ամրապնդել թուրքալեզու պետությունների հասարակական կառույցների փոխգործակցությունը։

11:47, 09 ապր

Թուրքիայում մինչև 16 տարեկաններին արգելվել է սոցկայքերից ուղիղ եթեր մտնել

Թուրքիայի տրանսպորտի և ենթակառուցվածքների նախարարը և նշել, որ այդ որոշումը չափազանց կարևոր է անպարկեշտ տեսանյութերի տարածման ռիսկերը նվազեցնելու համար։