Թուրքիայի Մալաթիա նահանգում 5.6 մագնիտուդ հզորությամբ երկրաշարժ է տեղի ունեցել

Տարածաշրջան00:57, 28 Փետրվար 2023

Թուրքիայի Մալաթիա նահանգում 5.6 մագնիտուդ հզորությամբ երկրաշարժ է տեղի ունեցել

Փետրվարի 6-ին Քահրամանմարաշում տեղի ունեցած 7.7 և 7.6 մագնիտուդ ուժգնությամբ ավերիչ երկրաշարժներից հետո Թուրքիայում շարունակվում են ավելի նվազ ուժգնությամբ երկրաշարժներ գրանցվել: Փետրվարի 27-ին երկրաշարժ է գրանցվել Մալաթիայում, որ նախորդ երկրաշարժից տուժած նահանգներից մեկն է:

Թուրքիայի նախագահականին առընթեր աղետների ու արտակարգ իրավիճակների վարչությունը հայտարարել է, որ 5.6 մագնիտուդով երկրաշարժի հետևանքով մահացել է 1, վիրավորվել 110 քաղաքացի: Երկրաշարժի հետևանքով փլուզվել է 29 շինություն: 32 քաղաքացի էլ դուրս է բերվել փլատակների տակից:

Քահրամանմարաշի կենտրոնում տեղի ունեցած երկրաշարժերից հետո տարածաշրջանում հազարավոր հետցնցումներ են տեղի ունեցել, նաև տարբեր ուժգնությամբ երկրաշարժեր են տեղի ունեցել Հաթայում, Բինգյոլում, Սիվասում, Նիղդեում և Քոնիայում։ Վերջինը փետրվարի 27-ի առավոտյան Ադըյամանում 5 բալ ուժգնությամբ երկրաշարժն էր:

Աղբյուր` Haberler

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: