Թուրքիայում երկրաշարժերից մահացածների թիվը հասել է 45 հազարի

Տարածաշրջան11:21, 01 Մարտ 2023

Թուրքիայում երկրաշարժերից մահացածների թիվը հասել է 45 հազարի

Թուրքիայում Քահրամանմարաշ էպիկենտրոնով երկրաշարժերի զոհերի թիվը հասել է 45089:

Այդ մասին հայտնել է Թուրքիայի նախագահականին կից Աղետների և արտակարգ իրավիճակների կառավարման վարչությունը: Գերատեսչությունը վիրավորների թիվը չի հրապարակել: Վերջին անգամ վիրավորների թիվ հրապարակվել է փետրվարի 17-ին, երբ այն կազմում էր 108 հազար։

Փետրվարի 6-ի ավերիչ երկրաշարժերից հետո գրանցվել է 11020 հետցնցում։

Փետրվարի 20-ին Հաթայում տեղի ունեցած 6,5 մագնիտուդ ուժգնությամբ երկրաշարժի հետևանքով զոհվել է 6 մարդ, իսկ փետրվարի 27-ին Մալաթիայում տեղի ունեցած 5,5 մագնիտուդով հետցնցման հետևանքով մահացել է երկու մարդ։

Փետրվարի 6-ից մինչ այսօր տարածաշրջանից տարհանվածների թիվը հասել է 1 մլն 971 հազարի:

Հիշեցնենք, որ փետրվարի 6-ին տեղի ունեցած երկրաշարժերը ավերածություններ են առաջացրել Քահրամանմարաշում, Գազիանթեփում, Շանլըուրֆայում, Դիարբեքիրում, Ադանայում, Ադըյամանում, Օսմանիյեում, Հաթայում, Քիլիսում, Մալաթիայում և Էլազըղում։

Փլուզված և փլուզվելու եզրին գտնվող ու հրատապ քանդման ենթակա շենք-շինությունների թիվը հասել է 202 հազարի։

Աղբյուր` Diken

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: