Երկրաշարժից անմասն չի մնացել Թուրքիայի միակ հայկական գյուղը՝ Վաքըֆլըն

Տարածաշրջան11:44, 13 Մարտ 2023

Երկրաշարժից անմասն չի մնացել Թուրքիայի միակ հայկական գյուղը՝ Վաքըֆլըն

Թուրքիայում վերջերս տեղի ունեցած երկրաշարժերի հետևանքով տուժել է նաև այդ երկրի միակ հայկական գյուղ Վաքըֆլըն: Լուրջ նյութական վնասների պատճառով բնակչությունը տեղահանվել է: Վաքըֆլըի գյուղապետ Պերչ Քարթունը, նշելով մարդկային կորուստներ չունենալու մասին, տեղեկացրել է, որ գյուղը լուրջ նյութական վնասներ է կրել: Գյուղում 40 բնակելի տներից 30-ը լրջորեն վնասվել են:

«Տարեցներին և երեխաներին ուղարկել ենք Ստամբուլ, իսկ գյուղում մնացած մարդիկ ապաստանում են վրաններում»,-ասել է նա:

Քարթունը, անդրադառնալով գյուղին հասցված այլ վնասներին, նշել է. «Չնայած այն բանին, որ գարուն է եկել, աշխատանքները գյուղում դադարեցված են»: Գյուղապետի խոսքով իրենք դարձել են անգործունակ. «Այգի գնում ենք, լաց ենք լինում, տուն ենք գալիս, էլի լաց ենք լինում»:

Քարթունը հույս է հայտնել, որ ավերված Հաթայ նահանգը հնարավորինս շուտ կվերականգնվի և իրենք էլ հարազատների հետ հնարավորինս շուտ կվերամիավորվեն իրենց պատմական հողերում:

Հիշեցնենք որ, փետրվարի 6-ին Թուրքիայի Քահրամանմարաշ (պատմ․ Մարաշ) նահանգի Փազարջըք (7.7 մագնիտուդ) և Էլբիսթան (7․6 մագնիտուդ) շրջաններում տեղի էր ունեցել ուժգին երկրաշարժ, որը զգացվել էր նաև հարակից նահանգներում։ Թուրքիայի աղետների և արտակարգ իրավիճակների կառավարման վարչության (AFAD) ղեկավար Յունուս Սեզերի հաղորդմամբ՝ վերջին տվյալների համաձայն զոհերի թիվը կազմում է 48.448 մարդ:

Աղբյուր` Gazeteduvar.com.tr

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: