Քրդամետ կուսակցությունը փակման վտանգի պատճառով ընտրություններին կարող է մասնակցել այլ կուսակցության ցուցակներով

Քաղաքական11:19, 15 Մարտ 2023

Քրդամետ կուսակցությունը փակման վտանգի պատճառով ընտրություններին կարող է մասնակցել այլ կուսակցության ցուցակներով

Թուրքիայի ընդդիմադիր քրդամետ «Ժողովուրդների դեմոկրատական» կուսակցությունը (HDP-ԺԴԿ) մայիսին տեղի ունենալիք խորհրդարանական ու նախագահական ընտրություններին կարող է մասնակցել «Կանաչ ձախերի» կուսակցության ցուցակներով:

Հնարավոր այս քայլի պատճառն այն է, որ ներկայում Թուրքիայի սահմանադրական դատարանում տեղի է ունենում ԺԴԿ-ի դրա որոշ ղեկավարների գործունեությունն արգելելու պահանջով դատավարություն, և հավանականություն կա, որ կարող է մինչև ընտրությունները կուսակցությունը փակելու որոշում կայացվի:

Կանաչների կուսակցության հետ ընտրություններին գնալու մասին սոցցանցի գրառմամբ ակնարկել է նաև ԺԴԿ-ի հիմնադիր ու նախկին համանախագահ, այժմ թուրքական բանտում ազատազրկված Սելահաթթին Դեմիրթաշը:

Վերջինս Twitter-ում կիսվել է «Կանաչ ձախերի» կուսակցության նորացված լոգոտիպը, որը նմանեցված է ԺԴԿ-ի լոգոյին ու գրել. «Այս նկարը տպեք ու փակցրեք ձեր սառնարանների ու սենյակների դռներին: Թող այնպիսի մարդ չմնա, որը չիմանա, թե սա ինչ է, պետք է գալու»:

Նշենք, որ «Կանաչ ձախերի կուսակցությունը հիմնվել է 2010 թվականին և մշտապես համագործակցել է ԺԴԿ-ի հետ: Կուսակցությունն արդեն Թուրքիայի Կենտրոնական ընտրական հանձնաժողովի կողմից ստացել է մայիսին երկրում տեղի ունենալիք համապետական ընտրությունների մասնակցելու համար գրանցման իրավունք:

Հիշեցնենք, որ դեռևս 2021թ. մարտի 17-ին Թուրքիայի Գերագույն դատարանի հանրապետական գլխավոր դատախազ Բաքիր Շահինը հայցով դիմել էր Սահմանադրական դատարան՝ պահանջելով HDP-ի գործունեության դադարեցում։

Աղբյուր` Diken