ԱՄՆ-ն պիտի վերանայի Ինջիրլիքի ռազմաբազայի հարցը

Ռազմական15:42, 29 Մարտ 2023

ԱՄՆ-ն պիտի վերանայի Ինջիրլիքի ռազմաբազայի հարցը

Ամերիկացի պաշտոնաթող դիվանագետ Ֆիլիպ Կոսնեթը «Քաղաքական ուսումնասիրությունների եվրոպական կենտրոնում» (CEPA) հրապարակել է «Հրաժե՞շտ Ինջիրլիքին» վերնագրով մի հոդված, որտեղ խստորեն դատապարտում է Թուրքիային ՆԱՏՕ-ի ընդլայնումը խոչընդոտելու համար։

Ինջիրլիք - Թուրքիայի Ադանա նահանգում տեղակայված ռազմական ավիաբազա, որը գործում է 1955-ից։ Համարվում է Եվրոպայում ԱՄՆ-ի ու ՆԱՏՕ-ի արևելյան ռազմակայանը։ Օգտագործվում է ԱՄՆ-ի և Թուրքիայի ռազմաօդային ուժերի կողմից։

Ֆիլիպ Կոսնեթը շեշտում է, որ Ինջիրլիքը կառուցվել էր իբրև հակակշիռ Սովետական Միությանը, հետևաբար այսօր այն կորցրել է իր երբեմնի կարևորությունը։ Իսկ քանի որ Թուրքիան չի մասնակցել Ռուսաստանի դեմ կիրառվող սանկցիաներին, նախկին դիվանագետը պաշտպանել է այն տեսակետը, որ ԱՄՆ-ն պետք է աչքի անցկացնի Ինջիրլիքում իր «գոյությունը» և նշել, որ ոչ մի ՆԱՏՕ-ական երկիր, բացի ԱՄՆ-ից, անփոխարինելի չէ։ Թուրքիայի փոխարեն Հունաստանի կամ Ռումինիայի պես պետությունները կցանկանան ԱՄՆ-ի բազաները սեփական հարկի տակ ընդունել։

Այնուամենայնիվ, Կոսնեթը նշել է, որ ԱՄՆ-ն պետք է շարունակի պահպանել Անկարայի հետ ունեցած ռազմական համագործակցությունը։

Աղբյուր` sozcu.com.tr

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: