Քաղաքական10:43, 05 Ապրիլ 2023
«Թո՛ղ որ Թայիփի սերունդը վերանա»․ Էրդողանին վիրավորած կնոջ նկատմամբ տնային կալանք է սահմանվել
Թուրքիայում ընտրությունների նախաշեմին իրականացվող տարրատեսակ հարցումների ընթացքում մարդիկ շարունակում են վիրավորական խոսքեր հնչեցնել թե՛ իշխանական և թե՛ ընդդիմադիր ներկայացուցիչների հասցեին։
Թուրքիայի մայրաքաղաք Ստամբուլում մարտի 4-ին նմանօրինակ հարցման ընթացքում, Թուլայ Կ․ անունով կինը Թուրքիայի ներկայիս նախագահ, իշխող «Արդարություն և զարգացում» կուսակցության (ԱԶԿ-CHP) առաջնորդ և «Ժողովուրդ» դաշինքի միասնական թեկնածու Ռեջեփ Թայիփ Էրդողանի հասցեին վիրավորական խոսքեր է հնչեցրել․
«Թո՛ղ Ալլահն այնպես անի, որ ԱԶԿ-ի ղեկավարների և Թայիփի տոհմը, սերունդը վերանա։ Թո՛ղ որ, իրենց թոռներին մաս-մաս դնեն գերեզման»։
Նմանատիպ արտահայտությունների համար կինն ավելի ուշ ձերբակալվել է և ցուցմունք տվել տեղի դատախազությանը՝ չճանաչելով իր մեղավորությունը։
Անատոլիայի դատարանը, սակայն, Թուլայ Կ․-ին «Նախագահին վիրավորանք հասցնելու» մեղադրանքով դատախազությունից ստացված կալանավորման պահանջը մերժելով, դատարանի վերահսկողությամբ տնային կալանք սահմանելու որոշում է կայացրել։
Հիշեցնենք, որ ավելի վաղ՝ մարտի 30-ին, Թուրքիայի հարավ-արևելքում գտնվող Բաթման քաղաքի փողոցում նկարահանված ռեպորտաժի ընթացքում տեղի բնակիչներից մեկը սպառնացել և հայհոյանքներ էր հնչեցրել, այս անգամ՝ ընդդիմադիր քաղաքական գործիչների հասցեին, երբ նրան հարցրել էին «Քեմալ Քըլըչդարօղլու՞, թե՞ Էրդողան»:
Սույն դեպքով մեղադրյալի նկատմամբ ևս տնային կալանք սահմանելու որոշում էր կայացվել։
Այս ենթաբաժնի վերջին նորությունները
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ջևդեթ Յըլմազը խոսել է նաև Թուրքիայի վրա ԱՄՆ մաքսատուրքերի ունեցած ազդեցությունից։
Մասնակցություն կունենա G20-ի, ԱՄՀ-ի և ՀԲ-ի շրջանակներում տեղի ունեցող հանդիպումներին։
Թուրքիայի էներգետիկայի և բնական ռեսուրսների նախարարի խոսքով՝ Սաքարյայի գազի ավազանում տարվող աշխատանքների առաջին փուլն ավարտված է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |