Ուղիղ եթերում հանկարծակի վատացել է Էրդողանի ինքնազգացողությունը (տեսանյութ)

Հասարակական10:33, 26 Ապրիլ 2023

Ուղիղ եթերում հանկարծակի վատացել է Էրդողանի ինքնազգացողությունը (տեսանյութ)

Ապրիլի 25-ին «Kanal 7» և «Ülke TV» հեռուստաալիքներին ուղիղ եթերով հարցազրույց տալու ժամանակ հանկարծ վատացել է Թուրքիայի նախագահ Ռեջեփ Թայիփ Էրդողանի ինքնազգացողությունը:

Երբ ուղիղ եթերում լրագրողը շարադրել է իր հարցը և սպասել Էրդողանի պատասխանին, տիրել է լռություն, ապա այն խախտվել է ինքնազգացության վատթարացման մասին հուշող մի քանի ձայնարկությամբ, որից հետո էլ դադարեցվել է ուղիղ հեռարձակումը:

Շուրջ 25 րոպե դադարից հետո եթերը կրկին վերականգվել է, բայց Էրդողանի գունատ տեսքից և դողդոջուն ձայնից ակնհայտ է, որ նա վատառողջ է։

Թուրքիայի նախագահը նախ անդրադարձել է միջադեպին, ապա շարունակել պատասխանել հարցրերին:

«Երեկ և այսօր ինտենսիվ ընտրարշավներ են եղել: Պարզապես լուրջ մրսացրել էի ստամոքսս: Անգամ կարծեցի, եթե չեղարկենք ծրագիրը սխալ կհասկանաք: Այսպիսի խիտ օրակարգում երբեմն նման իրավիճակների բախվում ենք: Ձեզնից և հեռուստադիտողներից ներողություն եմ խնդրում»:

Նշենք որ, թուրքական մեդիան հեռացրել է այն հատվածը, որտեղ Էրդողանի ինքնազգացողությունը վատացել էր:

Աղբյուր` Artigercek.com

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։