Կրեմլը հայտարարություն է տարածել Էրդողանի առողջական վիճակի վերաբերյալ

Քաղաքական14:56, 27 Ապրիլ 2023

Կրեմլը հայտարարություն է տարածել Էրդողանի առողջական վիճակի վերաբերյալ

Նախորդ օրն ուղիղ եթերով լրատվամիջոցներին տված հարցազրույցի ժամանակ Թուրքիայի նախագահ Էրդողանի ինքնազգացողության վատանալու պատճառով անջատվել էր ուղիղ միացումը։ 20 րոպե անց ուղիղ եթերը կրկին վերականգնվել էր, և հարցազրույցը շարունակվել ևս 10 րոպե։

Դեպքից հետո մի շարք թուրք բարձրաստիճան պաշտոնյաներ հանդես եկան հայտարարությամբ, որ նախագահի վիճակը լավ է , և նա պարզապես հանգստի կարիք ունի։

Ռուսաստանից այս կապակցությամբ ևս հայտարարություն է հրապարակվել, ըստ որի` նախագահ Պուտինն ու Էրդողանը հեռախոսազրույց են ունենալու Մերսինում բացվող «Աքքույու» ատոմակայանի վերաբերյալ։ Սակայն, հայտարարության մեջ նշվում է, որ Էրդողանի առողջական վիճակի վերաբերյալ իրենք /ՌԴ-խմբ․/ տեղեկություն չունեն։

Հայտնի է դարձել, որ էրդողանը ևս առցանց կմիանա «Աքքույու» ԱԷԿ-ում տեղի ունենալիք միջուկային վառելիքի մատակարարման արարողությանը։

Մի շարք ռուսական լրատվամիջոցներ, հղում անելով իրենց աղբյուրներին, նշում են, որ բացման արարողությունը հետաձգվել է Թուրքիայի ժամանակով ժամը 16-00, Էրդողանը վատառողջ լինելու պատճառով:

Աղբյուր` Sozcu