Գերմանական պարբերական. «Էրդողանի վերջը գալի՞ս է»

Քաղաքական18:09, 28 Ապրիլ 2023

Գերմանական պարբերական. «Էրդողանի վերջը գալի՞ս է»

Մայիսի 14-ին կայանալիք ընտրությունների ֆոնին միջազգային հանրությունը շարունակում է մեծ ուշադրությամբ հետևել Թուրքիայում տեղի ունեցող իրադարձություններին: Այս անգամ երկրի ներսում տեղի ունեցող իրադարձություններին անդրադարձել է գերմանական «Bild» պարբերականի հոդվածագիր Նադիա Ասվադը:

Ասվադը Թուրքիայի նախագահ, «Արդարություն զարգացում» կուսակցության առաջնորդ և «Ժողովուրդ» դաշինքի միասնական թեկնածու Ռեջեփ Թայիփ Էրդողանին առողջական վիճակի և ընտրությունների վերաբերյալ գրել է. «Թուրքիայում իրավիճակն ընտրություններից առաջ խառնվել է: Արդյո՞ք եկել է Էրդողանի վերջը»:

Հրապարակման մեջ տեղ են գտել նաև լրագրող Էրեն Գյուվերջիի խոսքերը: Ըստ նրա՝ Էրդողանն այս պահին հոգեբանորեն կոտրված է քաղաքականության ասպարեզում և ունի առողջական խնդիրներ, իսկ որպես անհատականություն և հռետոր թուլացել է:

Հիշեցնենք, որ Էրդողանը ապրիլի 25-ին հեռուստատեսային ուղիղ եթերի ժամանակ հանկարծակի վատացել էր, ինչի պատճառով ընդհատվել էր ուղիղ հեռարձակումը։

Շուրջ 25 րոպե տևած դադարից հետո եթերը կրկին վերականգվել է, բայց Էրդողանի գունատ տեսքից և դողդոջուն ձայնից ակնհայտ է դարձել, որ նա խիստ վատառողջ է։

Աղբյուր` halktv.com.tr

Այս ենթաբաժնի վերջին նորությունները

11:38, 22 նոյ

Թուրքիան BRICS-ի հետ համագործակցելու առաջարկ է ստացել

Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։