Արևմտյան մամուլը շարունակում է հակաէրդողանյան լուրերի շքերթը

Հասարակական16:27, 12 Մայիս 2023

Արևմտյան մամուլը շարունակում է հակաէրդողանյան լուրերի շքերթը

Ամերիկյան «The Washington Post»-ը հոդված է հրապարակել «Թուրքական ընտրություններ. Էրդողանի մրցակիցը խոստացել է վերջ տալ «ավտորիտար իշխանությանը»» վերնագրով։

«Այս շաբաթ տված հարցազրույցում Քըլըչդարօղլուն մտավախություն է հայտնել, որ քաղաքական լարվածությունը կարող է սպառնալ երկրում կարևոր ընտրությունների անցկացմանը, զգուշացնելով, որ մրցակիցները կփորձեն «քաոսի մթնոլորտ ստեղծել» մինչև կիրակի կայանալիք ընտրությունները»,- գրում է «Washington Post»-ը:

Ըստ թերթի՝ Քըլըչդարօղլուն խոստանում է վերականգնել Թուրքիայի դիվանագիտական իշխանությունը, որը Էրդողանի իշխանության օրոք դուրս էր մնացել աշխարհից։

Մեկ այլ ամսագիր՝ «The Economist»-ը, իր վերջին լուրի համար վերնագիր էր ընտրել «Նախկին բյուրոկրատը դժվարություններ է առաջացնում Էրդողանի համար»։

Հոդվածում տեղ են գտել մտքեր, որոնք թուրքական մամուլում «սկանդալային» որակումն են ստացել՝ «Քեմալ Քըլըչդարօղլուն մրցում է Թուրքիայի բռնապետի և ժամանակի դեմ։ Էրդողանը ավելի քան մեկ տասնամյակ բորբոքում է Թուրքիայի մշակութային պատերազմների կրակը: Այժմ, երբ նրա երկարամյա կարիերայի ընթացքում առաջին անգամ ի հայտ է գալիս իշխանությունը կորցնելու հավանականությունը, այս շարժումը կրկնապատկվել է»։

Բրիտանական «The Guardian» թերթն էլ այլ սկանդալային վերնագիր է հրապարակել՝ «Մինչ Թուրքիան պատրաստվում է քվեարկությանը, Էրդողանը դեմ առ դեմ կանգնած է իրական պարտության հավանականության առաջ»։ Անդրադառնալով վերջին հարցումներին՝ «The Guardian»-ը հաղորդել է, որ կիրակի առավոտյան ժամը 08:00-ից սկսած Թուրքիայում մոտ 61 միլիոն ընտրող կսկսի քվեարկել:

Թուրքական իշխանամետ մամուլը խիստ քննադատաբար է մոտեցել արևմտյան լրատվականների հրապարակած նյութերին՝ գրելով, որ Արևմուտքը բացահայտ աջակցում է ընդդիմադիր թեկնածուին։

Աղբյուր` gazetevatan

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։