Հարցազրույց21:13, 13 Մայիս 2023
Թուրք պրոֆեսոր․ «Ընտրություններում ով էլ հաղթի, հայ-թուրքական հարաբերությունները ստորադասվելու են թուրք-ադրբեջանականին»
ԱՄՆ-ի Յուտայի համալսարանի թուրք պրոֆեսոր Հաքան Յավուզը մայիսի 14-ին Թուրքիայում կայանալիք համապետական ընտրությունների թեմայով Ermenihaber.am-ի կազմակերպած վեբինարի ընթացքում անդրադարձել է հայ-թուրքական հարաբերությունների հեռանկարին՝ կախված ընտրությունների արդյունքից։
Ի պատասխան Ermenihaber.am-ի գլխավոր խմբագիր Մխիթար Նազարյանի հնչեցրած հարցի՝ պրոֆեսորը Յավուզը նշել է․
«Ըստ իս՝ էական որևէ փոփոխություն չի լինի, սակայն ձայնի տոնայնությունը կփոխվի, որոշակի նրբություններում կլինեն փոփոխություններ։ Գլխավոր կմախքը, սակայն, կմնա նույնը։ Հնարավոր է, որ մարդկային զգացմունքների գործոնն առաջին պլան մղվի, եթե Քըլըչդարօղլուն հաղթի։ Հայաստանի և Թուրքիայի միջև պետական սահմանի բացումն էլ կարևոր է»։
Թուրք պրոֆեսորը տնտեսական կարևոր նշանակություն է վերագրում հայ-թուրքական միջպետական սահմանի բացմանը։ Նրա կարծիքով՝ Թուրքիայի արևելյան նահանգներն էլ կարող են դրանից զգալիորեն օգտվել։
«Ինչ վերաբերում է հայ-թուրքական հարաբերություններին, պետք է անկեղծ լինենք և ինքներս մեզ չխաբենք։ Թուրքիայում ով էլ գա իշխանության, նույնիսկ «Ժողովուրդների դեմոկրատական կուսակցությունը» (ԺԴԿ-HDP), հայ-թուրքական հարաբերություննը միշտ ստորադասվելու են Թուրքիա-Ադրբեջան հարաբերություններին։
Դե իսկ Իլհամ Ալիևը սխալ քայլ արեց, երբ նախընտրական շրջանում եկավ Էրդողանի կողքին կանգնեց։ Ալիևն էլ, Պուտինն էլ շատ կապված են Էրդողանի հետ։ Իհարկե, Ալիևը ռացիոնալ քաղաքական գործիչ է և իր համար դժվար չէ գույն փոխելը, բայց Ադրբեջանի տեսանկյունից, եթե Էրդողանը պարտվի, կարծում եմ իրենց համար լավ չի լինի»։
Այս ենթաբաժնի վերջին նորությունները
Ըստ Մեհմեթ Թաթլըի՝ քանի դեռ Թուրքիայում իշխանության ղեկին Էրդողանն է, պետք է Թուրքիա-Հայաստան հարաբերությունների կարգավորմանը լուծում տալ, քանի որ Էրդողանից հետո շատ դժվար կլինի հասնել լուծման։
Ըստ Բարչըն Յինանչի՝ Թուրքիան ցանկանում է կարգավորել հարաբերությունները Հայաստանի հետ, բայց այս պահին, ցավոք սրտի, դրան խանգարում են հարաբերությունները Ադրբեջանի հետ։
Կրիստինա Հարությունյանի հարցազրույցը թուրքագետ Գևորգ Կալլոշյանի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |