Ընտրական բախումներ Թուրքիայում. կռվել են ընդդիմության և իշխանության աջակիցները (ՏԵՍԱՆՅՈՒԹ)

Քաղաքական15:25, 14 Մայիս 2023

Ընտրական բախումներ Թուրքիայում. կռվել են ընդդիմության և իշխանության աջակիցները (ՏԵՍԱՆՅՈՒԹ)

Թուրքիայում մայիսի 14-ին՝ ժամը 08։00-ին, մեկնարկել են նախագահական և խորհրդարանական ընտրությունները։

Սոցցանցերում արդեն տեղ են գտել մի շարք տեսանյութեր, որտեղ երևում է թե ինչպես են իշխող «Արդարություն և զարգացում» կուսակցության (ԱԶԿ-AKP) առաջնորդ և «Ժողովուրդ» դաշինքի նախագահի թեկնածու Ռեջեփ Թայիփ Էրդողանի ու քեմալական, գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ և «Ազգ» դաշինքի նախագահի միասնական թեկնածու Քեմալ Քըլըչդարօղլուի կողմնակիցները վեճի բռնվում, որից հետո էլ սկսվում է ծեծկռտուք։

Mersin/Yenişehir Türk Telekom İlkokulu'nda iki karşıt partili sıra kavgasından dolayı kavga etti. Kavgayı polis ayırdı. pic.twitter.com/1mltGcpxpH
— Solcu Gazete (@solcugazete) May 14, 2023

Խոշոր ծեծկռտուք է տեղի ունեցել, օրինակ, Ստամբուլ քաղաքի Բահչելիեվլեր շրջանի ընտրատեղամասերից մեկում։

Bahçelievler Kocasinan Lisesi'nde henüz bilinmeyen bir sebepten dolayı kavga çıktığı belirtiliyor. pic.twitter.com/KCZRy6STY0
— Solcu Gazete (@solcugazete) May 14, 2023

Haber Global-ի փոխանցմամբ՝ փայտերով և քարերով կռիվ է տեղի ունեցել Շանլըուրֆայում տարբեր թեկնածուների քվեարկած երկու աշիրեթների միջև։

Şanlıurfa'da ilk seçim kavgası çıktı pic.twitter.com/fyiUB8YTbI
— Politic Türk (@politicturk) May 14, 2023

Քվեարկության գործընթացն աչքի է ընկնում մի շարք ուշագրավ դեպքերով ևս։ Թուրքիայի պետական Anadolu գործակալության փոխանցմամբ՝ 3 անձ տարբեր ընտրատեղամասերում սրտի կաթված է ստացել։ Նրանք ավելի ուշ մահացել են հիվանդանոցում։

Ընտրություններն աչքի են ընկնում նաև մասնակցության ակտիվությամբ։

Ընտրատեղամասեր քվեարկություն կատարելու են գնում նաև հիվանդներն ու տարեցները։ Այսպես, Շանլըուրֆայի Սիվերեք շրջանի ընտրատեղամաս քվեարկության է եկել թթվածնի անբավարարություն ունեցող տարեց կին։

Մեկ այլ տարեց կնոջ էլ չի թույլտարվել մասնակցել ընտրություններին, քանի որ ընտրատեղամաս է ներկայացել թիկնոցով, որին պատկերված է եղել Էրդողանի նկարը։

Աղբյուր` Ermenihaber.am

Այս ենթաբաժնի վերջին նորությունները

15:12, 21 դեկտ

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։

10:02, 20 դեկտ

Էրդողանը Կահիրեում մի շարք հանդիպումներ է ունեցել

D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր: