Քաղաքական12:36, 24 Մայիս 2023
Ըստ կուլիսային լուրերի՝ «Նախնի» դաշինքը պառակտվում է Էրդողանի և Քըլըչդարօղլուի միջև
Թուրքական մեդիայում լայն տարածում են գտել գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուի և «Հաղթանակ» կուսակցության (Zafer Partisi) առաջնորդ Ումիթ Օզդաղի միջև քննարկվող համաձայնագրի մասին պնդումները:
Ըստ այդմ՝ կուսակցության առաջնորդները մայիսի 28-ին կայանալիք նախագահական ընտրությունների 2-րդ փուլին ընդառաջ 7 կետից բաղկացած համաձայնագիր են նախապատրաստում:
Շրջանառվող կուլիսային տեղեկությունների համաձայն՝ այս կետերի շուրջ ձեռք բերված պայմանավորվածությունները պետք է հանգեցնեն «Հաղթանակ» կուսակցության աջակցութանը՝ Քըլըչդարօղլուին, որը նաև հանդիսանում է «Նախնի» դաշինքի անդամ։ Այդ դաշինքի առաջադրած նախագահի թեկնածուն Սինան Օղանն է, որը, սակայն, 2-րդ փուլում աջակցություն է հայտնել Ռեջեփ Թայիփ Էրդողանին։
Խնդրո առարկա համաձայնագիրը նախատեսվում է վերջնական տեսքի բերել մայիսի 24-ին երկու առաջնորդների միջև տեղի ունենալիք հանդիպման ընթացքում, որին պետք է հաջորդի համատեղ մամլո ասուլիսը:
Նշենք նաև, որ ընդդիմադիր «Sözcu» պարբերականի լրագրող Իսմայիլ Սայըլմազը «Օզդաղի պայմանները կընդունվե՞ն» խորագրով քննարկմանը ներկայացրել է վերոհիշյալ 7 կետերը:
1. Սահմանադրության առաջին 4 կետերը փոփոխության չեն ենթարկվելու։
2. Սահմանադրության 66-րդ կետրը նույնապես պահպանվելու է
3. Պահվելու է կապը 1924-ի սահմանադրության հետ
4. Փախստականները 1 տարվա ընթացքում ուղարկվելու են (խոսքն իրենց հայրենիք հետ ուղարկելու մասին է-խմբ.)
5. Ահաբեկչության դեմ արդյունավետ պայքար է իրականացվելու
6. Կաշառակերության դեմ արդյունավետ պայքար է իրականացվելու
7. Հասարակական գործիչներ նշանակելիս առաջնահերթություն է տրվելու անձի ունեցած վաստակին
Հիշեցնենք, որ քաղաքական գործիչները 7 կետանոց համաձայնագրի քննարկման նպատակով հանդիպել էին մայիսի 23-ին:
Այս ենթաբաժնի վերջին նորությունները
Հաքան Ֆիդանն ու Մարկո Ռոբիոն պայմանավորվել են սերտացնել թուրք-ամերիկյան համագործակցությունը։
Օրակարգում եղել են երկկողմ հարաբերություններն ու տարածաշրջանային և համաշխարհային զարգացումները:
Ապրիլի 15-ին Թուրքիայի նախագահի գլխավորությամբ տեղի կունենա հերթական նիստը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |