Եգիպտոսի և Թուրքիայի ղեկավարների հնարավոր փոխադարձ այցերը

Քաղաքական12:09, 16 Հունիս 2023

Եգիպտոսի և Թուրքիայի ղեկավարների հնարավոր փոխադարձ այցերը

Եգիպտոսում Թուրքիայի դեսպան Սալի Մութլու Շենը «Russia Today» հեռուստաալիքի արաբերեն հեռարձակմամբ նախագծին տված հարցազրույցում անդրադարձել է Եգիպտոս-Թուրքիա հարաբերություններին:

Շենը նշել է, որ Թուրքիայի նախագահ Ռեջեփ Թայիփ Էրդողանը Եգիպտոսի նախագահին այցի հրավեր է ուղարկել՝ միարժամանակ չբացառելով Էրդողանի մեկնումը Եգիպտոս:

«Երկու նախագահները հստակեցնելու են հանդիպման վայրը: Հանդիպումը տեղի կունենա կամ Կահիրեում (Եգիպտոսի մայրաքաղաք), կամ Անկարայում (Թուրքիայի մայքրաքաղաք)»,-ասել է թուրք դեսպանը:

Նա նաև խոսել է Թուրքիայի նորանշանակ արտգործնախարար Հաքան Ֆիդանի գալիք երեք ամսվա ընթացում Եգիպտոս կատարելիք հնարավոր այցի մասին՝ ընդգծելով երկու երկրների միջև շուրջ 10 տարվա լարվածության ավարտի մասին:

«Մինչ այս փուլը Ֆիդանը երկու երկրների հարաբերությունների զարգացման գործում դրական դերակատարում է ունեցել»,- նկատել է դեպսանը։

Նշենք որ, երկու երկրների միջև լարվածությունը սկիզբ էր առել 2013-ի ամռանը Եգիպտոսում «Մուսուլման եղբայրներ»-ին քաղաքական իշխանությունից հեռացնելու հարցում Թուրքիայի դիրքորոշման և այդ երկրի ներքին գործերին միջամտելու Անկարայի քաղաքականության պատճառով: Դրան հաջորդել էր Թուրքիայի և Եգիպտոսի միջև դիվանագիտական հարաբերությունների մակարդակի նվազեցումն ու դեսպանների հետկանչը։

Աղբյուր` ensonhaber.com