Անկարա-Դամասկոս հարաբերությունների կարգավորումը՝ Աստանայի հիմնական օրակարգ

Քաղաքական17:07, 19 Հունիս 2023

Անկարա-Դամասկոս հարաբերությունների կարգավորումը՝ Աստանայի հիմնական օրակարգ

Հունիսի 20-ին Ղազախստանի մայրաքաղաք Աստանայում տեղի է ունեցել Թուրքիայի, Սիրիայի, Ռուսաստանի և Իրանի փոխարտգործնախարարների մասնակցությամբ հերթական քառակողմ հանդիպումը:

Ռուսաստանի փոխարտգործնախարար Միխայիլ Բոգդանովը նախքան հանդիպումը տված մամուլի ասուլիսում նշել է, որ հիմնականում քննարկումները լինելու են Անկարա-Դամասկոս հարաբերությունների կարգավորման շուրջ:

«Այս պահին մենք հետաքրքրվում ենք Թուրքիա-Սիրիա հարաբերությունների կարգավորմամբ: Դա շատ կարևոր գործընթաց է: Անցած 12 տարվա ընացքում շատ խնդիրներ են մեկտեղվել: Հիմա աշխատելու ենք գործընթացի ճանապարհային քարտեզի շուրջ»,-ասել է Բոգդանովը:

Հանդիպման օրակարգում է եղել նաև Սիրիայի խնդիրն ու Սիրիայի քաղաքացիների իրենց բնակավայրեր կամավոր ետ վերադարձին առնչվող հարցը:

Նշենք, որ երկու պետությունների հարաբերությունների կարգավորման նպատակով հանդիպումները նախ տեղի էին ունենում եռակողմ՝ առանց Իրանի մասնակցության. wրին հաջորդել էր ապրիլի 3-4-ը Մոսկվայում արտգործնախարարների մակարդակով քառակողմ հանդիպումը՝ արդեն նաև Իրանի մասնակցությամբ:

Իսկ ավելի ուշ՝ ապրիլի 25-ին հանդիպել էին երկրների պաշտպանության նախարարներն ու հետախուզական ծառայությունների պետերը:

Կողմերի միջև վերջին հանդիպումը տեղի էր ունեցել մայիսի 10-ին կրկին արտգործնախարարների մակարդակով, որտեղ որոշում էր կայացվել Անկարայի և Դամասկոսի միջև հարաբերությունների կարգավորման նպատակով ստեղծել քառակողմ կոմիտե՝ որին պետք է ներգրավվեին 4 երկրների փոխարգործանախարարները, ինչպես նաև պաշտպանության նախարարության և հետախուզության ներկայացուցիչները:

Աղբյուր` trthaber.com