Սիրիան շարունակում է պահանջել, որ Թուրքիան դուրս բերի իր զինված ուժերը

Քաղաքական14:00, 22 Հունիս 2023

Սիրիան շարունակում է պահանջել, որ Թուրքիան դուրս բերի իր զինված ուժերը

Սիրիայի փոխարտգործնախարար Այման Սուսանը հայտնել է, որ պաշտոնական Դամասկոսը երբեք չեն չի հրաժարվի՝ Սիրիայից թուրքական զորքի ամբողջական դուրսբերման պահանջից:

Այդ մասին հայտնել է Սիրիայի փոխարտգործնախարար Այման Սուսանն Աստանայում Թուրքիայի Սիրիայի, Ռուսատանի և Իրանի փոխարտգործնախարարների մասնակցությամբ Աստանայում տեղի ունեցած քառակողմ հանդիպումից հետո կազմակերպված մամուլի ասուլիսի ընթացքում:

Սուսանը, մեջբերելով Սիրիայի նախագահ Բաշար Ալ Ասադի հայտարարությունները, առ այն, որ «Մեկը մյուսի տարածքն օկուպացնելու պարագայում հնարավոր չէ երկու երկրների միջև հարաբերությունների կարգավորում»։

Թեմայի վերաբերյալ խոսել է նաև Իրանի Իսլամական Հանրապետության փոխարտգործնախարար Ալի Ասգար Հաջը, նշելով, որ Անկարայի և Դամասկոսի միջև հարաբերությունների կարգավորմանն ուղղված աշխատանքները կշարունակվեն։

«Խնդիրը քննարկում ենք քայլ առ քայլ։ Սեղանին շատ խնդիրներ են դրված՝ ահաբեկչության դեմ պայքարը, տնտեսական համագործակցությունը, սահմանային անվտանգությունը, Սիրիայում թուրքական զորքերի ներկայությունը և փախստականների հարցը, որը Թուրքիայում հանգեցրել է մեծ խնդրի»,- նշել է նա։

Իր հերթին Իրանի փոխարտգործնախարարն անդրադարձել է նաև Սիրիայում տեղակայված ամերիկյան զորքերին նշելով, որ ԱՄՆ փորձում է թուլացնել Սիրիայի ինքնիշխանությունը։

Քառակողմ հանդիպմանն անդրադարձել է նաև արաբական մամուլը՝ նշելով, որ հանդիպմանը զուգահեռ Սիրիան Թուրքիայի սահմանին՝ Հալեպի գյուղերի շրջակայքում մեծ թվով զորքեր տեղակայել։

Թուրքական աղբյուրի տեղեկացմամբ, Սիրիայում ՌԴ-ի հատուկ բանագնացը՝ Ալեքսանդր Լավրենտևը, նշել է, որ թուրք-սիրիական հարաբերությունների կարգավորման հարցով «ճանապարհային քարտեզը» պատրաստ լինելուց հետո այն կլինի օրակարգում։

Աղբյուր` sozcu.com.tr