Թուրքական «Bayraktar»-ի գործարանը Ուկրաինայում

Ռազմական23:17, 23 Հունիս 2023

Թուրքական «Bayraktar»-ի գործարանը Ուկրաինայում

Թուրքիայի նախագահ Ռեջեփ Թայիփ էրդողանի փեսային՝ Հալուք Բայրաքթարին պատկանող «Baykar» ռազմարդյունաբերական ընկերությունը, որը հայտնի է հարվածային «Bayraktar» ԱԹՍ-ների արտադրությամբ, գործարան է կառուցում Ուկրաինայի մայրաքաղաք Կիևում:

Ընկերությունը նպատակ ունի 2025-ին արտադրության մեջ դնել «Bayraktar TB2» և «AKINCI» հարվածային ԱԹՍ-ները։

Տեղեկացվում է, որ գործարանի շինարարական աշխատանքները իրականացվում են դեռևս 2019-ին այս նպատակով էրդողանի փեսայի կողմից Ուկրաինայում հիմնադրված «LLC Avia Ventures» ընկերության անվան տակ։

Բացի այդ Հալուք Բայրաքթարն ամերիկյան «Defense News» պարբերականին տված հարցազրույցում նշել է, որ ընկերությունն Ուկրաինայում արտադրություն սկսելու համար լիցենզիան ստացել է 2022-ին։

Նշենք, որ այժմ այն հանդիսանում է թուրքական հատուկենտ ընկերություններից մեկը, որն արտերկրում իրավասու է ռազմական արտադրանք տալու։

Աղբյուր` yeniakit.com.tr

Այս ենթաբաժնի վերջին նորությունները

17:24, 09 ապր

Իսրայելը փորձում է արգելափակել F-35-ների վաճառքը Թուրքիային

ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:

13:08, 09 ապր

Թուրքիան ամենաշատ զենք ունեցող երկրների ցանկում 10-րդն է

Առաջին տեղոււմ ԱՄՆ-ն է, որն ունի 393.3 մլն միավոր զենքով, իսկ վերջին տեղում Անգոլան է՝ 3 մլն միավոր զենքով։

09:37, 09 ապր

Թուրքիան և Իսրայելը բանակցում են Սիրիայում «բախումներից զերծ գիծ» ստեղծելու շուրջ

«Middle East Eye»-ի հաղորդմամբ՝ Թուրքիան և Իսրայելը Սիրիայում իրենց ռազմական ստորաբաժանումների միջև հնարավոր բախումներից խուսափելու նպատակով բանակցություններ են վարում: