Քաղաքական15:13, 27 Հունիս 2023
Ալի Բաբաջանը Էրդողանին․ «Խաբեությամբ ընտրություններում հաղթելը հալալ հաղթանակ չէ»
Թուրքիայի նախկին արտգործնախարար, այժմընդդիմադիր «Ժողովրդավարություն և առաջընթաց» (DEVA-ԺԱԿ) կուսակցության նախագահ Ալի Բաբաջանը մամլո ասուլիսի ընթացքում կոշտ հայտարարություն է արել Թուրքիայի նախագահ Ռեջեփ Թայիփ Էրդողանի հասցեին։
Նա մասնավորապես նշել է․ «Մայիսի 14-ին և 18-ին Թուրքիայում տեղի ունեցած նախագահական ընտրություններում մենք եղել ենք պատմության ճիշտ կողմում, դրանում կասկած չկա։ Մի՛ մոռացեք, որ քաղաքականության և առևտրի մեջ մի արտահայտություն կա, որը կոչվում է հալալ վաստակ։ Այսինքն հալալ հաղթելը ճշմարտությունն ասելով հաղթելն է։ Այն, որ ոչ ոքի չես խաբում»։
Բաբաջանը նաև հավելել է, որ մոնտաժված վիդեոներով, զրպարտություններով և խաբեությամբ ընտրություններում հաղթելը հալալ հաղթանակ չէ, ինչպես նաև ընտրություններում հանրային սեփականությունը, 86 մլն բնակչության իրավունքները միայն սեփական շահի համար օգտագործելով հաղթելը հալալ հաղթանակ չէ։
«Մենք անցկացրել ենք անթերի նախընտրական քարոզարշավ։ Չենք տվել ոչ մի խոստում, որը չենք կարողանալու կատարել։ Պարտք չենք ոչ ոքի։ Ոչ մեկին չենք ստել, ողջ ճշմարտությունն ենք ասել։ Ինչ վաստակել ենք, վաստակել ենք հալալ, ինչպես մեր մոր կաթը»-նշել է նա։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |