Հունական մամուլ․ «ԱՄՆ-ն ռազմական ինքնաթիռների հարցում փորձում է բալանս պահել Թուրքիայի և Հունաստանի միջև

Ռազմական15:58, 29 Հունիս 2023

Հունական մամուլ․ «ԱՄՆ-ն ռազմական ինքնաթիռների հարցում փորձում է բալանս պահել Թուրքիայի և Հունաստանի միջև

Հունական «Kathimerini» թերթըն անդրադարձել է ԱՄՆ-ի F-35 կործանիչների վաճառքի հետաձգմանը՝ նշելով, որ ԱՄՆ-ն դադարեցրել է 2022-ի հունիսին Հունաստանի F-35 կործանիչներ գնելու ցանկությանը ընթացք տալուն, որպեսզի անհանգստություն չպատճառի Թուրքիային։

Թերթը նշել է․ «Աթենքին կործանիչների վաճառքի հաստատումը կլինի հուլիսի 11-12 Վիլնյուսում կայնալիք ՆԱՏՕ-ի գագաթնաժողովից հետո։ Վաշինգտոնում գերակշռող կարծիք կա, որ եթե Հունաստանը մեկ քայլ առաջ լինի ռազմական ինքնաթիռների հարցում, ապա դա կարող է վտանգի տակ դնել Շվեդիայի անդամակցությունը ՆԱՏՕ-ին և հաշվի է առնվում Թուրքիայի արձագանքը»։

Նաև նշվում է, որ ԱՄՆ-ի կողմից Աթենքին տրվող պատասխանի ուշացումը տպավորություն է ստեղծում, թե փորձում են պահպանել Թուրքիայի և Հունաստանի միջև հավասարակշռությունը, մինչդեռ ԱՄՆ-ում բոլորն են ընդունում, որ այդ հավասարակշռությունը երկար ժամանակ է, ինչ խախտվել է (հօգուտ Աթենքի)։

Ըստ թերթի հաղորդած տեղեկությունների՝ Հունաստանի վարչապետ Կիրիակոս Միցոտակիսի անցյալ տարի Վաշինգտոն կատարած այցի ընթացքում Սպիտակ տունը տվել էր իր համաձայնությունը F-35-ի վաճառքի համար։ Իսկ Աթենքն առաջին փուլում ցանկացել է գնել 20 ինքնաթիռ 3մլրդ եվրոյով։ Եթե վաճառքը հաստատվի, ապա առաջին առաքումը նախատեսվում է կատարել 2028-ին։

Սակայն ռուսական S-400 հակաօդային պաշտպանության համակարգերի գնման պատճառով F-35 ծրագրից Թուրքիայի հեռացումով Հունաստանի առքի գործընթացում ընդհատումներ են լինում, իսկ Թուրքիան էլ չի հանում իր վետոն Շվեդիայի ՆԱՏՕ-ին անդամակցելու հարցում։

Աղբյուր` tolgaozbek.com

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: