Թուրքիայում տարեցտարի աճում է անչափահաս աղջիկ երեխաների ամուսնությունը և հղիությունը

Հասարակական12:33, 29 Հունիս 2023

Թուրքիայում տարեցտարի աճում է անչափահաս աղջիկ երեխաների ամուսնությունը և հղիությունը

Թուրքիայում դեռևս շարունակվում է չլուծված խնդիր մնալ աղջիկ երեխաների ամուսնությունը և հղիությունը վաղ տարիքում։ Անչափահասների ծնելիությունն աճում է հատկապես այն աղջիկների շրջանում, ովքեր կրթություն չեն ստանում կամ հեռացվում են դպրոցից ընտանիքի ճնշման պատճառով։

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) Ստամբուլի պատգամավոր Գամզե Աքուշ Իլգեզդին պատրաստել է «Երեխաների հղիության վերաբերյալ զեկույց», որտեղ ներառված են Թուրքիայի վիճակագրական կոմիտեի տվյալները։ Թուրքական մամուլն այդ զեկույցը բնորոշել է որպես ԹՈւՐՔԻԱՅԻ ԱՄՈԹ։

Ըստ վերոնշյալ զեկույցի՝ վերջին 22 տարում 15 տարեկանից ցածր հղիների թիվը կազմել է 21.087, իսկ մինչև 19 տարեկան հղիների թիվը գերազանցել է 2 միլիոնը։ Զեկույցում նաև նշվում է, որ 15 տարեկանից ցածր տարիքում ծննդաբերած երեխաների թիվը 2022-ի համեմատ աճել է 25%-ով: Մինչև 15 տարեկան 1546 երեխա, որոնք ծննդաբերել են 2015-2021-ին՝ նրանց 50%-ը եղել են տարրական դպրոցի շրջանավարտներ, իսկ մյուսները դպրոց չեն ավարտել, գրել-կարդալ չգիտեն։ Իսկ 15-19 տարիքային խմբի 427․709 երեխաներից անգրագետ է շուրջ 2960-ը։

Հայտնի է դարձել նաև, որ մինչև 17 տարեկան աղջիկների ծնելիությունը վերջին 22 տարում նվազել է 24․49%-ով։ Ընդհանուր առմամբ Թուրքիայում դեռահասների (մինչև 19 տարեկանների) ծնելիության մակարդակը 2 անգամ գերազանցում է Եվրոպայի ցուցանիշներին։

Աղբյուր` karar.com

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։