Քաղաքական14:34, 11 Հուլիս 2023
Թուրք լրագրողը Կլաարին մեղադրել է Ադրբեջանի բռնապետության դեմ անգործության մեջ
Թուրք լրագրող Ուզայ Բուլութը Twitter-ի իր միկրոբլոգում անրդադարձել է հուլիսի 9-ի առավոտյան Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի Twitter-յան գրառմանը:
Մասնավորապես Կլաարը հուլիսի 9-ին Հայաստանից Արցախ (Լեռնային Ղարաբաղ) գազի մատակարարման վերականգման լուրերի վերաբերյալ գրել էր. «Լավ է կարդալ, որ այս առավոտ վերականգնվել է գազամատակարարումը դեպի Խանքենդի/Ստեփանակերտ»:
Սակայն, նույն օրը՝ մի քանի ժամ անց գազամատակարարումը կրկին ամբողությամբ դադարեցվել է:
Բուլութն ի պատասխան ԵՄ ներկայացուցչի հրապարակմանը գրել է. «Վհատեցնում է այն, որ դուք չունեք բավարար խիզախություն ու ազնվություն և ձեր ձեռքերը ծալած հետևում եք, թե ինչպես է Ադրբեջանի մարդասպան բռնապետությունը ջնջում Արցախը: Մի թե՞ սա այն ձևն է, որով դուք ցանկանում եք մտնել պատմության մեջ. որպես խաղաղեցնող վախկո՞տ, ով թույլ տվեց որ ցեղապանություն տեղի ունենա»:
Նշենք, որ Ադրբեջանը 2022-ի դեկտեմբերի 12-ից ի վեր փակ է պահում Լաչինի միջանցքը (Գորիս-Ստեփանակետր ճանապարհը): Նախ այն փակել էին այսպես կոչված ադրբեջանցի բնապահպանները՝ հարակից տարածքում գործող հանքի բնության վնասող արտանետումների պատրվակով: Զուգահեռաբար ընդհատվում էին գազի և հոսանքի մատակարարումենրը: Ավելի ուշ միջանցքի փակ պահելը Ադրբեջանի կողմից բացատրվում էր որպես այսպես կոչված կանխարգելիչ քայլ իբրև Հայաստանից Արցախ տեղափոխվող զինամթերքի մատակարարումը դադարեցնելու համար:
Արդեն ապրիլի 23-ին ադրբեջանական սահմանապահ ծառայությունը փակել էր նույն ճանապարհը մեկ այլ հատվածից՝ Հակարիի կամրջի վրա անցակետ տեղադրելով: Այս ընթացքում խափանվել էր Հայաստանից Արցախ մատակարարվող գազի և հոսանքի մատակարարումները, որոնք մինչ օրս չեն վերականգնվել:
Այս ենթաբաժնի վերջին նորությունները
Մասնագետները, սակայն, կարծում են, որ իրական առաջընթացը կախված կլինի վիճելի հարցերի շուրջ կողմերի զիջումների պատրաստակամությունից։
Էրդողանը կմեկնի Հռոմ և կհանդիպի Իտալիայի վարչապետ Ջորջիա Մելոնիի հետ։
Թուրքիայի նախագահը մեղադրել է Արևմուտքին միգրացիոն ճգնաժամ հրահրելու, բայց դրա պատասխանատվությունը չկիսելու մեջ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |