Ինքնորոշման պահանջով քրդերը դատական հայց են ներկայացրել Թուրքիայի պետական խորհուրդ

Իրավական12:08, 14 Հուլիս 2023

Ինքնորոշման պահանջով քրդերը դատական հայց են ներկայացրել Թուրքիայի պետական խորհուրդ

Թուրքիայի հարավ-արևմուտքում գտնվող Դիարբեքիր նահանգի փաստաբանների պալատի անդամներ Հիշյար Օզալփը և Ռըդվան Դալմըշը «Քրդական սփյուռքի համադաշնության» (DİAKURD) անունից դատական հայց են ներակացրել Թուրքիայի պետական խորհրդին:

Փաստաբաններն Անկարայում գտնվող Թուրքիայի բարձրագույն վարչական դատարանից պահանջել են չեղարկել 100 տարին լրացած Լոզանի պայմանագիրը և քրդերին տալ ինքնորոշման իրավունք։

Իսկ պետական խորհրդին ներկայացված հայցի մասին մանրամասներ են ներկայացրել «Հարավարևելյան լրագրողների ասոցիացիայի» անդամ լրագրողների հետ ունեցած մամուլի ասուլիսում:

«Մենք դիմել ենք, որպեսզի Լոզանի պայմանագիրը 100 տարին լրանալու հիմքով չեղարկվի և Եվրամիության (ԵՄ) քաղաքացիական և քաղաքական իրավունքների համաձայնագրի, ինչպես նաև տնտեսական, մշակությային ու սոցիալական իրավունքների համաձայնագրի 1-ին կետի՝ ժողովուրդների ինքնորոշման իրավունքի համաձայն, կյանքի կոչվեն քրդերի պահանջները»:

Բացի այդ Օզալփն ու Դալմըշը նշել են, որ եթե հայցը մերժվի Թուրքիայի բարձրագույն վարչական դատարանի կողմից, նրանք կդիմեն երկրի սահմանադրական դատարան:

Փաստաբանները նաև հավելել են. «Ներպետական իրավական համակարգում չհաջողելու պարագայում դիմելու ենք ԵՄ մարդու իրավունքների կոմիտե»:

Նշենք, որ Լոզանի պայմանագիրը կնքվել է 1923-ի հուլիսի 24-ին, որով փաստացի ամրագրվել էին Շվեյցարիայի Լոզան քաղաքում ընթացող 8 ամսյա բանակցությունների և թուրք-հունական պատերազմի (1919-1922թթ.) արդյունքները:

Պայմանագրից մի քանի ամիս անց՝ հոկտեմբերի 29-ին, Թուրքիան հռչակվում է հանրապետություն, իսկ այն բոլոր տարածքները, որտեղ առկա էին քրդեր, ինչպես նաև մի շարք այլ ազգեր և ժողովուրդներ, պաշտոնապես հռչակվում են որպես Թուրքիայի Հանրապետության տարածքային ամբողջականության մի մաս:

Աղբյուր` t24.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։