Հասարակական15:37, 17 Հուլիս 2023
Թուրքական մամուլն անդրադարձել է Անիի ավերակներին
ՅՈՒՆԵՍԿՕ-ի (UNESCO) համաշխարհային ժառանգության ցանկում ներառված միջնադարյան հայկական քաղաքամայր Անին հերթական անգամ հայտնվել է թուրքական մամուլի ուշադրության կենտրոնում։
«Son Dakika» լրատվական կայքում հրապարակված հոդվածում Անին ներկայացվում է որպես «Քաղաքակրթությունների օրրան», «Խաղաղության քաղաք», «Հազարումի եկեղեցիների քաղաք» և «Քառասուն դարպասների քաղաք»։ Նշված է, որ Անին իր պատմաճարտարապետական գեղեցկությամբ գրավում է ինչպես տեղացի, այնպես էլ արտասահմանցի զբոսաշրջիկների հետաքրքրությունը:
Ուշագրավ է, որ հոդվածում բացահայտորեն խոսվում է Անիի հայկական լինելու մասին։ Տրվում է հետևյալ ձևակերպումը. «Թուրքիայի և Հայաստանի սահմանին գտնվող Անին 961-1045 թվականներին ծառայել է որպես հայ տիրակալների մայրաքաղաք»։
2012թ. Անին ընդգրկվել է ՅՈՒՆԵՍԿՕ-ի համաշխարհային ժառանգության միջանկյալ ցանկում, իսկ 2016թ. ներառվել է Համաշխարհային ժառանգության ցանկում։
Հոդվածում տեղ են գտել նաև թուրք այցելուների մեկնաբանությունները։ Անկարայից ժամանած մի զբոսաշրջիկ ասում է․ «Ես եկել եմ Անկարայից, առաջին անգամ եմ այստեղ, հիանալի վայր է, բոլորին խորհուրդ եմ տալիս գալ»:
Հայաստան-Թուրքիա սահմանը բաժանող Ախուրյան (թուրք․՝ Արփաչայ) գետի արևմտյան ափին գտնվող Անին, ըստ թուրքական կայքի հրապարակման, նախկինում եղել է ռազմական խիստ արգելքի գոտի, և ոչ ոք այնտեղ այցելելու հնարավորություն չի ունեցել։ Արգելքի վերացումից հետո Անին գրավել է ողջ աշխարհի ուշադրությունը՝ դառնալով տուրիստական այցելությունների գլխավոր պատճառը Կարսում։
Այս ենթաբաժնի վերջին նորությունները
Ծագումով հայ լրագրողը, ով թուրքական լրատվականների համար հոդվածներ է պատրաստում, անդրադարձել է Թուրքիայի ներքաղաքական և տնտեսական վիճակին:
Միայն ընթացիկ տարվա մայիսին 2023-ի նույն ժամանակահատվածի համեմատ նրանց թիվը հասել է 1 մլն 678 հզ․ 832-ի:
Նշվում է, որ գործողությունը իրականացվել է Սիրիայի Կամիշլի (Ղամիշլի) քաղաքում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահ Ռեջեփ Թայիփ Էրդողանն անդրադարձել է Հայաստանի՝ Պաղեստինի Պետության ճանաչման որոշմանը։
Հաքան Ֆիդանը թուրքական «Haberturk» հեռուստաալիքին հարցացազրույց է տվել:
Թուրքիայի արտգործնախարար Հաքան Ֆիդանը մանրամասներ է ներկայացրել հունիսի 11-ին Ռուսաստանի նախագահի հետ ունեցած հանդիպման վերաբերյալ:
Իրաքի ներքին գործերի նախարարությանը կից գործող սահմանապահ ուժերի հրամանատար հայտարարել է, որ Իրանի և Թուրքիայի սահմանների անվտանգությունը բարելավելու նպատակով կգործարկվեն 8 փուլից բաղկացած ծրագրեր։
Գործողություններն իրականացվել են «Եփրատի վահան» ռազմագործողության գոտում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |