Ներդրումային ծրագրերի նպատակով Էրդողանը մեկնում է Ծոցի երկրներ

Քաղաքական10:24, 17 Հուլիս 2023

Ներդրումային ծրագրերի նպատակով Էրդողանը մեկնում է Ծոցի երկրներ

Թուրքիայի նախագահականի հանրային կապերի վարչության տարածած հաղորդագրության համաձայն՝ նախագահ Ռեջեփ Թայիփ Էրդողանը հուլիսի 17-ից 19-ն ընկած ժամանակահատվածում պաշտոնական այցով կգտնվի Ծոցի 3 երկրներում:

«Ի պատասխան ստացված հրավերների՝ նախագահ Ռեջեփ Թայիփ Էրդողանը հերթով կայցելի Սաուդիան Արաբիա, Կատար, ապա Արաբական Միացյալ Էմիրություններ (ԱՄԷ)»։

Նշվում է, որ սպասվող բանակցություններում քննարկվելու են Թուրքիայի և վերոհիշյալ երկրների միջև երկկողմ հարաբերություններին, մի շարք այլ ոլորտներում ներդրումային ծրագրերին վերաբերող մի շարք հարցեր:

Քննարկման օրակարգում լինելու են նաև համաշխարհային և տարածաշրջանային խնդիրներ:

Բացի Ծոցի 3 երկրներ պլանավորվող այցերից հաղորդվում է, որ Էրդողանը անկախության օրվա առթիվ հուլիսի 20-ին պաշտոնական այցով մեկնելու է ինքնահռչակ Հյուսիսային Կիպրոսի Թուրքական Հանրապետություն (ՀԿԹՀ):

Այցի շրջանակներում նախատեսվում է հանդիպում այսպես կոչված հանրապետության նախագահ Էրսին Թաթարի և Էրդողանի միջև, որտեղ կողմերը մտքեր են փոխանակելու Կիպրոսի խնդրի շուրջ վերջին զարգացումների վերաբերյայլ:

Նշենք, որ Թուրքիայի նախագահը մասնակցելու է նաև ՀԿԹՀ-ի արևմտյան հատվածում գտնվող Էրջանի օդանավակայանի նոր տերմինալի և թռիչքուղու բացման արարողությանը:

Աղբյուր` birgun.net