Թուրքիայում բռնկված անտառային հրդեհները մարել չի հաջողվում

Տարածաշրջան14:33, 17 Հուլիս 2023

Թուրքիայում բռնկված անտառային հրդեհները մարել չի հաջողվում

Թուրքիայի հարավային մասում գտնվող Մերսին նահանգի Գյուլնար շրջանի Քավաքօղլու թաղամասի անտառային հատվածում դեռ երեկ բռնկված հրդեհը շարունակում է տարածվել։

Քամու հետևանքով հրդեհն ընդգրկել է արդեն Քորուջուք, Չավուշլար և Թեփե թաղամասերը: Հրդեհի հետևանքով հրկիզվել է 5 տուն։ Տների մի մասից անվտանգության նկատառումներով մարդիկ տարհանվել են:

Գիշերվանից ընթացող հրդեհաջիման աշխատանքներին միացել են նաև ուղղաթիռներ և ինքնաթիռ:

Հրդեհ է նաև Մերսինից արևմուտք ընկած Հաթայ նահանգի Բելեն շրջանի անտառային հատվածում: Նախնական տեղեկությունների համաձայն՝ հրդեհը անտառային հատվածում բռնկվել է 2 հոգու անփութության պատճառով:

Ըստ շրջանառվող վարկածի՝ նրանք իրենց դաշտերը եղեգից մաքրելու նպատակով կրակ են վառել, ինչն էլ սկսել է տարածվել: Մեղադրվող անձինք ձերբակալվել են:

Բացի վերոհիշյալ երկու նահանգներից, անտառային հրդեհներ են բռնկվել Ադանայի և Չանաքալե նահանգում:

Նշենք, որ բոլոր տեղերում հրդեհաշիջման աշխատանքներն այս պահի դրությամբ շարունակվում են:

Աղբյուր` haber.sol.org

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: