Զելենսկի. «Սևծովյան հացահատիկային միջանցքը հարցով պաշտոնական ազդակներ ենք հղում Թուրքիային և ՄԱԿ-ին»բայց առանց Ռուսաստանի

Քաղաքական13:59, 18 Հուլիս 2023

Զելենսկի. «Սևծովյան հացահատիկային միջանցքը հարցով պաշտոնական ազդակներ ենք հղում Թուրքիային և ՄԱԿ-ին»բայց առանց Ռուսաստանի

Սևծովյան հացահատիկային միջանցքը պետք է շարունակի գործել, բայց առանց Ռուսաստանի։ Ուկրաինայի նախագահի մամուլի քարտուղար Սերխի Նիկիֆիրովի փոխանցմամբ՝ այս մասին աֆրիկացի լրագրողներին տված հարցազրույցում ասել է նախագահ Վլադիմիր Զելենսկին:

«Առանց Ռուսաստանի Դաշնության ամեն ինչ պետք է արվի, որպեսզի կարողանանք օգտվել սևծովյան միջանցքից: Մենք չենք վախենում, մեզ դիմեցին նավեր ունեցող ընկերությունները, նրանք ասացին, որ պատրաստ են, եթե Ուկրաինան բաց թողնի, իսկ Թուրքիան թույլ տա անցնել, այդ դեպքում բոլորը պատրաստ են շարունակել հացահատիկի մատակարարումը»,-Զելենսկիի խոսքերն է մեջբերում Նիկիֆորովը։ Նախագահը հիշեցրել է, որ եղել է երկու համաձայնագիր՝ Ուկրաինա-Թուրքիա-ՄԱԿ, իսկ մյուսը՝ Ռուսաստան-Թուրքիա-ՄԱԿ։

«Հետևաբար, երբ Ռուսաստանն ասում է, որ դադարեցնում է համաձայնագրի գործողությունը, խափանում է իր պայմանավորվածությունները ոչ թե մեզ հետ, այլ՝ ՄԱԿ-ի գլխավոր քարտուղար Գուտերեշի և Թուրքիայի նախագահ Էրդողանի հետ։ Մենք նրանց հետ որևէ պայմանավորվածություն չենք ունեցել։ Ես հանձնարարել եմ մեր արտգործնախարարությանը Ռուսաստանի Դաշնության պաշտոնական ազդանշանից հետո պատրաստել մեր պաշտոնական ազդակները ՄԱԿ-ին և Թուրքիային, որպեսզի նրանք ինձ՝ որպես Ուկրաինայի նախագահի պատասխանեն, որ պատրաստ են շարունակել մեր նախաձեռնությունը»,- ասել է Զելենսկին։

Աղբյուր` Denizhaber.com