Թուրքիայից Ռոստով մեկնող բեռնանավում պայթուցիկի հետքեր են հայտնաբերվել

Տարածաշրջան14:58, 24 Հուլիս 2023

Թուրքիայից Ռոստով մեկնող բեռնանավում պայթուցիկի հետքեր են հայտնաբերվել

Թուրքիայից Դոնի-Ռոստով մեկնող բեռնատար նավի մեջ հայտնաբերվել են պայթուցիկի հետքեր։ Այդ մասին հայտնել է Ռուսաստանի անվտանգության դաշնային ծառայությունը։

Նշվում է, որ հուլիսի 22-ին հացահատիկ բեռնելու համար Թուրքիայից Դոնի Ռոստովի նավահանգիստ մեկնող օտարերկրյա բեռնանավի պահեստում հայտնաբերվել են դինիտրոտոլուոլ և տետրիլ պայթուցիկ նյութերի հետքեր:

Պարզվել է, որ մայիսի վերջին նավը գտնվել է ուկրաինական «Կիլիա»նավահանգստում։ Ընդ որում` հուլիսին թուրքական Թուզլա նավահանգստում ամբողջությամբ փոխվել է նավի անձնակազմը, որը բաղկացած է եղել Ուկրաինայի 12 քաղաքացիներից, փոխվել է նաև բեռնանավի անվանումը:

Ուժային գերատեսչության տվյալներով՝ այդ հանգամանքները վկայում են, որ հնարավոր է` օտարերկրյա քաղաքացիական նավն օգտագործվել է Ուկրաինայի տարածք պայթուցիկ նյութեր հասցնելու համար։

Այդ կապակցությամբ որոշվել է արգելել նավի շարժը Կերչի նեղուցով տրանսպորտային անցման նավարկության կամարի տակով։

Աղբյուր` Sputnik

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: