Քաղաքական09:13, 01 Օգոստոս 2023
Ադրբեջանի ԱԳՆ ղեկավարը հանդիպել է Էրդողանի հետ
Թուրքիայի նախագահ Ռեջեփ Թայիփ Էրդողանը հուլիսի 31-ին Անկարայում ընդունել է Ադրբեջանի արտգործնախարար Ջեյհուն Բայրամովին:
Շուրջ մեկ ժամ տևած դռնփակ հանդիպմանը ներկա են գտնվել նաև Թուրքիայի արգործնախարար Հաքան Ֆիդանը և նախագահի գլխավոր խորհրդական Աքիֆ Չաղաթայ Քըլըչը:
Թուրքիայի հանրային կապերի վարչության տարածած հաղորդագրության համաձայն՝ կողմերը քննարկել են երկու երկրների միջև առևտրի, կոմունիկացիայի, ինչպես նաև էլեկտրաէներգետիկայի ոլորտում առկա համագործակցությանը վերաբերող մի շարք հարցեր:
Բացի այդ, նշվում է, որ անդրադարձ է կատարվել Հայաստան-Ադրբեջան հարաբերությունների կարգավորման գործընթացին:
Այս համատեքստում Թուրքիայի նախագահն ուշադրություն է հրավիրել այն փաստի վրա, որ երկու երկրների միջև հարաբերությունների կարգավորման գործընթացում կարևոր դեր ունի այսպես կոչված «Զանգեզուրի միջանցքի անհապաղ բացումն ու հնարավորինս շուտ խաղաղության պայմանագրի» կնքումը:
Հանդիպման ընթացքում Էրդողանն ընդգծել է նաև, որ պետք է շարունակել համատեղ աշխատանքները երկու երկրների միջև առևտրաշրջանառության ծավալները 15 մլրդ դոլարի հասցնելու համար:
Իսկ անդրադառնալով Անդրկասպյան և Բաքու-Թիֆլիս-Կարս երկաթուղու կարևորությանը՝ նշել է, որ այդ ճանապարհներն ավելի արդյունավետ պետք է օգտագործվեն:
Հիշեցնենք, որ նույն օրը հանդիպում էր տեղի ունեցել նաև Թուրքիայի և Ադրբեջանի արտգործնախարարների միջև, որտեղ ևս քննարկվել էին Հայաստան-Ադրբեջան հարաբերությունների կարգավորման գործընթացին և այսպես կոչված «Զանգեզուրի միջանցք»-ին վերաբերող մի շարք հարցեր:
Այս ենթաբաժնի վերջին նորությունները
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Ըստ պրոֆեսորի՝ Ահմեդ ալ-Շարայի կողմից ձևավորված նոր կառավարությունում կան Թուրքիայի քաղաքացիներ, ինչն ավելի է մեծացրել Թուրքիայի ազդեցությունը։
Փաստաթղթերը ստորագրվել են թուրքական «ESTA» և իստալական «Micoperi» ընկերությունների հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Միջոցառումները ոգեշնչված են Դինքի 1996-ին «Ակօս»-ում հրապարակված «23,5 ապրիլ» հոդվածից։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Ողջ Եվրոպայում կապույտ քարտ ունեցող ոչ ԵՄ քաղաքացիներից 547․790-ը բնակվում է Գերմանիայում։ Նրանցից 18․000-ը կրկին դիմել է Թուրքիայի քաղաքացիություն ստանալու համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |