Թուրքական «Baykar» ընկերությունն Ուկրաինայում ԱԹՍ-ների սպասարկման կենտրոն կբացի

Ռազմական10:32, 01 Օգոստոս 2023

Թուրքական «Baykar» ընկերությունն Ուկրաինայում ԱԹՍ-ների սպասարկման կենտրոն կբացի

Ուկրաինայի պաշտպանության նախարարության տարածած հաղորդագրության համաձայն՝ Թուրքիայի նախագահի փեսային՝ Սելչուք Բայրաքթարին պատկանող «Baykar» ընկերության և Ուկրաինայի պաշտպանական գերատեսչության միջև նոր պայմանագիր է կնքվել:

Մասնավորապես պայմանագրի համաձայն՝ թուրքական ընկերությունը Ուկրաինայում հիմնելու է անօդաչու թռչող սարքերի (ԱԹՍ) վերանորոգման և սպասարկամն կենտրոն:

Այս առիթով Ուկրաինայի պաշտպանության նախարար Կոստանտին Վասչենկոն ևս հայտարարություն է տարածել:

«Սպասարկման կենտրոնի հիմնումը կարևոր ներդրում կունենա Ուկրաինայի պաշտպանական կարողության ամրապնդման տեսանկյունից և կօգնի մեզ մոտենալ մեր հաղթանակին»:

Վերջերս ուկրաինական կողմը նաև քայլեր էր ձեռնարկել մեծացնելու բանակում օգտագործվող ԱԹՍ-ների թվաքանակը, ինչի նպատակով էլ 10.000-ից ավելի ԱԹՍ օպերատոր էր պատրաստել:

Հիշեցնենեք, որ 2019-ին «Baykar»-ը փակ բաժնետիրական «Avia Ventures» ընկերության հետ պայմանագիր էր կնքել Ուկրաինայում «TB2» և «AKINCI» մոդելի հարվածային ԱԹՍ-ներ արտադրելու նպատակով: Թուրքական և միջազգային մամուլում շրջանառվող լուրերի համաձայն՝ «Avia Ventures»-ը ևս պատկանում է Սելչուք Բայրաքթարին:

Աղբյուր` turkiyegazetesi.com.tr

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: