Տնտեսական16:54, 04 Օգոստոս 2023
Ժոզեպ Բորելլ․ «Մենք պետք է համոզենք Ռուսաստանին, որպեսզի վերադառնա սևծովյան հացահատիկի համաձայնագրին»
Եվրամիության արտաքին հարաբերությունների (ԵՄ) և անվտանգության հարցերով բարձր ներկայացուցիչ Ժոզեպ Բորելլը X-ի (նախկին Twıtter) սոցիալական հարթակում անդրադարձել է հացահատիկային համաձայնագրին։
Նա մասնավորապես պնդել է․ «Ռուսաստանը պետք է դադարեցնի սննդամթերքը որպես զենք օգտագործել։ Մենք պետք է համոզենք Ռուսաստանին, որպեսզի վերադառնա սևծովյան հացահատիկի համաձայնագրին»։
Միևնույն ժամանակ Բորելլը բրիտանական «The Guardian» պարբերականին տված հոդվածում, նշել է, որ Ռուսաստանի անցյալ ամիս հացահատիկային համաձայնագրից դուրս գալը առաջացրել է հացահատիկի և էգիպտացորենի մեծածախ գների կտրուկ աճ։
«Մինչ աշխարը գործ ունի ընդհատված մատակարարման և բարձր գների հետ , Ռուսաստանը հիմա ձևացնում է, թե ինքն իր ստեղծած խնդիրն է լուծում՝ դիմելով խոցելի երկրներին՝ հատկապես Աֆրիկյան երկրներին, կրկնակի հացահատիկի առաքման առաջարկներով։ Սննդամթերքը դիտմամբ, որպես զենք օգտագործելը ցինիկ քաղաքականություն է» ։
Նա նաև նշել է, որ կշարունակեն աջակցել ՄԱԿ-ի և Թուրքիայի անխոնջ ջանքերին՝ պահպանելու սևծովյան հացահատիկի համաձայնագիրը։
«Կոչ ենք անում միջազգային հանրությանը և բոլոր երկրներին համաշխարհային պարենային անվտանգությանն աջակցելու համար մեծացնել սեփական օգնությունը» ,- նշել է Բորելը և հավելել․ «Մենք մեր բոլոր գործընկերներներին կոչ ենք անում Ռուսաստանին վերադարձնել բանակցություններին և դադարեցնել Ուկրաինայի գյուղատնտեսական ենթակառուցվածքները թիրախավորել, ինչպես դա արել է Աֆրիկյան միությունը։Եթե մենք միաձայն և հստակ լինենք, կարող ենք Ռուսաստանին հետ բերել գործարքի»։
Հիշեցնենք որ, Հացահատիկային համաձայնագիրը ստորագրվել էր 2022-ի հուլիսի 22-ին Ստամբուլում ՄԱԿ-ի, Ռուսաստանի,Ուկրաինայի և Թուրքիայի միջև՝ պարենի համաշխարհային գների վրա ռուս-ուկրաինական հակամարտության ազդեցությունը նվազեցնոլւ համար։ 2023-ի հուլիսի 17-ին Կրեմլի մամուլի քարտուղար Դմիտրի Պեսկովը հայտարարել էր, որ հացահատիկային համաձայնագրի ժամկետը ավարտվել է և փաստացի դադարեցվել ։
Այս ենթաբաժնի վերջին նորությունները
Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Իրաքի առևտրի նախարար Աթիր Դավուդն անդրադարձել է Թուրքիայի հետ ունեցած առևտրատնտեսական հարաբերություններին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |