Անկարան հերքել է գերմանական մամուլի հրապարակումը

Քաղաքական14:48, 22 Օգոստոս 2023

Անկարան հերքել է գերմանական մամուլի հրապարակումը

Գերմանական «Bild» թերթը օրերս գրել է, որ Ռուսաստանը, Թուրքիան և Կատարը նոր համաձայնագիր պատրաստելու համար քայլեր են ձեռնարկել Սևծովյան հացահատիկի միջանցքի համաձայնագրից հետո, որն ավարտվել է Ռուսաստանի միակողմանի դուրսբերմամբ։

Հոդվածում, որը հիմնված է «առգրավված պաշտոնական նամակագրության» վրա, նշվում է, որ հուլիսի 21-ից օգոստոսի 8-ը Թուրքիայի և Ռուսաստանի դիվանագիտական ներկայացուցիչների երկխոսության ընթացքում Մոսկվան բազմիցս Անկարային է փոխանցել հացահատիկի համաձայնագրից դուրս գալու իր ծրագրերը։ Թերթը պնդում է՝ Ռուսաստանը, որը դուրս կգա համաձայնագրից, ինչը թույլ էր տալիս Ուկրաինային 33 միլիոն տոննա պարենամթերք արտահանել Սև ծովից, փորձում է նոր համաձայնագիր պատրաստել՝ Թուրքիայի հետ վերցնելով նաև Կատարին։

Թուրքիայի նախագահականի անանուն աղբյուրը ռուսական լրատվամիջոցներին տված հայտարարության մեջ հերքել է այն տեղեկությունները, թե Անկարան բանակցություններ է վարում հացահատիկի գործարքի այլընտրանքային ուղիների շուրջ։

Ռուսական «RIA» լրատվական գործակալության հետ զրույցում աղբյուրը նշել է․ «Թուրքիան հացահատիկի գործարքի շուրջ գաղտնի բանակցություններ չի վարում, ինչպես գրում է արևմտյան մամուլը, Անկարայի նախաձեռնություններն ու նպատակները շատ պարզ են, և նրա գործընկերները դա գիտեն»:

Աղբյուր` cumhuriyet.com.tr