Իրաքցի նախարարը նավթի արտահանման օրակարգով Թուրքիայում է

Տարածաշրջան15:11, 22 Օգոստոս 2023

Իրաքցի նախարարը նավթի արտահանման օրակարգով Թուրքիայում է

Իրաքի նավթի նախարար Հայյան Աբդուլղանին մեկնել է Թուրքիայի մայրաքաղաք Անկարա՝ բանակցություններ վարելու Իրաքյան Քուրդիստանից Ջեյհան նավահանգիստ նավթի արտահանման վերականգնման շուրջ։ Նախարար Աբդուլղանիի պաշտոնական այցը նախատեսվում է տևել 2 օր։

Նավթի արտահանման վերականգնման հարցով Միջազգային արբիտրաժային դատարանի որոշումից հետո այս հարցի շուրջ բանակցությունները շարունակվում են Անկարայի եւ Բաղդադի միջև։ Սպասվում է, որ Իրաքի նավթի նախարար Աբդուլղանին բանակցությունների համար երկու օր կանցկացնի Թուրքիայում։

Անկարայում Իրաքի դեսպանատան հաղորդմամբ՝ Աբդուլղանին բանակցություններ կվարի «նավթի, գազի և էներգետիկայի բնագավառում երկկողմ հարաբերությունների զարգացման և համագործակցության հեռանկարների ընդլայնման շուրջ»։

Տեղեկատվության համաձայն՝ նախարար Աբդուլղանին կհանդիպի նաև էներգետիկայի և բնական պաշարների նախարար Ալփարսլան Բայրաքթարի հետ՝ համաձայնություն ձեռք բերելու՝ վերսկսելու նավթի մատակարարումները Իրաքյան Քուրդիստանից Իրաքի պետականնավթային կազմակերպության (SOMO) միջոցով դեպի Ջեյհան նավահանգիստ։

Իրաքի նավթի նախարարության ներկայացուցիչն ասել է.«Թուրքիայի հետ մեր բանակցություններն ուղղված են նավթի արտահանման վերսկսման դանդաղեցնող խնդիրների լուծմանն ու ընթացիկ խնդիրների լուծմանը»: Նա նաեւ նշել է, որ բանակցությունների առանցքում է Անկարայի դեմ ներկայացված հայցերի հետ կապված 1.5 միլիարդ դոլարի փոխհատուցման հարցը։

Աղբյուր` www.gazeteduvar.com.tr

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: