Թուրքական ԱԹՍ-ն հարվածել է Սիրիայի քրդերի վերահսկողության տակ գտնվող տարածքին

Քաղաքական17:14, 24 Օգոստոս 2023

Թուրքական ԱԹՍ-ն հարվածել է Սիրիայի քրդերի վերահսկողության տակ գտնվող տարածքին

Սիրիայի հյուսիս-արևելքում քրդական ուժերի մամուլի գրասենյակը երեկ ուշ երեկոյան հայտնել է, որ թուրքական անօդաչու թռչող սարքը թիրախավորել է լրագրողներին տեղափոխող մեքենային։ Միջադեպի հետևանքով զոհերի և վիրավորների մասին մանրամասներ չկան։

Սակայն տեղական Jin TV հեռուստաալիքը հայտնել է, որ թուրքական անօդաչու թռչող սարքի հարձակման հետևանքով մահացել է հեռուստաալիքի վարորդը և լրջորեն վիրավորվել լրագրողը։ Սիրիայի հյուսիս-արևելքում բժշկական և անվտանգության հարցերով զբաղվող աղբյուրը նույնպես հայտնել է, որ վարորդը մահացել է:

Թուրքիայի պաշտպանության նախարարությունը դեռևս չի արձագանքել Reuters լրատվական գործակալության խնդրանքին այդ կապակցությամբ հայտարարություն անելու համար։

«Լրագրողներ առանց սահմանների» կազմակերպության մամուլի ազատության ինդեքում 180 երկրների շարքում 175-րդ տեղը զբաղեցնող Սիրիայում 2011 թ․-ի քաղաքացիական պատերազմի սկսումից ի վեր սպանվել է 270 լրագրող։

Աղբյուր` voaturkce.com

Այս ենթաբաժնի վերջին նորությունները

15:12, 21 դեկտ

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։

10:02, 20 դեկտ

Էրդողանը Կահիրեում մի շարք հանդիպումներ է ունեցել

D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր: