Քաղաքական11:13, 14 Սեպտեմբեր 2023
ԵԽ. «Եթե Թուրքիան չփոխի իր կառավարման ձևը, ԵՄ անդամ չի դառնա»
Սեպտեմբերի 13-ին Եվրախորհրդարանի (ԵԽ) գլխավոր ասամբլեայում անցկացված քվեարկության արդյունքում հաստատվել է ԵԽ-ի արտաքին հարաբերությունների հանձանաժողովում ընդունված Թուրքիայի մասին 2022-ի զեկույցը:
ԵԽ-ում Թուրքիայի մասին զեկուցող Նաչո Սանչեզ Ամորի կողմից պատրաստված զեկույցն ընդունվել է 434 կողմ, 18 դեմ, 152 ձեռնպահ ձայների հարաբերակցությամբ:
Զեկույցում, որում կոչ է արվել Թուրքիային լուծելու Եվրամիության (ԵՄ) հետ ունեցած խնդրահարույց կետերը, նշվել է, որ եթե թուրքական իշխանությունները չփոխեն իրենց կառավարման ձևը, ապա ԵՄ-ին Թուրքիայի անդամակցության գոծընթացը չի կարող սկսվել:
«Թուրքիայի կառավարությունը հետաքրքրված է մոտ ժամանակներս կյանքի կոչել ԵՄ-ի անդամակցության գործընթացը: Սա աշխարհաքաղաքական գործարքների պատճառով չէ, որ իրականացվելու է: Այն իրականացվելու է միայն այն պարագայում, երբ թուրքական իշխանությունները անկեղծ հետարքրություն ցուցաբերեն երկրում հիմնարար ազատությունների և իրավունքի գերակայության հարցում: Եթե թուրքական կառավարությունն իրապես ցանկանում է ԵՄ-ի ճանապարհը կրկին կյանքի կոչել, ապա ոչ թե հայտարարություններով, այլ հստակ բարեփոխումներով և գործողություններով պետք է ցույց տա դա»:
Թուրքիայի արտաքին գործերի նախարարությունն արձագանքել է ԵԽ-ի Թուրքիայի մասին վերոհիշյալ զեկույցին:
Տարածված հաղորդագրության մեջ նշվել է, որ այդ զեկույցը հիմնված է Թուրքիայի դեմ գործող շրջանակների կողմից օգտագործվող ոչ ճշմարիտ տեղեկատվության հիման վրա:
«Զեկույցը լի է մեղադրանքներով և նախապաշարմունքներով: Այն ԵԽ-ի կողմից սովորաբար ցուցաբերվող մակերեսային և անհեռատես վերաբերմունքի ցուցիչն է, թե՛ Թուրքիայի նկատմամբ, թե՛ ԵՄ-ի ապագայի նկատմամբ»,-ասված է Թուրքիայի ԱԳՆ-ի հայտարարությունում։
Արձագանքի մեջ տեղ են գտել նաև խիստ վիրավորական խոսքեր՝ ուղղված ԵԽ անդամներին.
«Այս զեկույցը ցույց է տալիս, որ ԵԽ անդամներն ամենօրյա պոպուլիստական քաղաքականության ստրուկներն են»:
Իսկ վերջում նշվել է, որ 2024-ի ԵԽ ընտրություններից հետո ձևավորվելիք խորհրդարանը կլինի անկողմնակալ, ռացիոնալ և կառուցողական՝ փաստորեն ներկայիս խորհրդարանին մեղադրելով այդպիսին չլինելու մեջ:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |