Քաղաքական14:35, 15 Սեպտեմբեր 2023
ԱՄՆ պետդեպ․ «Թուրքիան մեզ համար արժեքավոր դաշնակից է»
ԱՄՆ պետքարտուղարության մամուլի խոսնակ Մեթյու Միլլերը մամուլի ասուլիսի ժամանակ խոսել է թուրք-ամերիկյան հարաբերությունների մասին։
«Ձեզ չի՞ մտահոգում այն հարցը, որ թուրքական ընկերությունների դեմ պատժամիջոցների կիրառումը կազդի Շվեդիայի ՆԱՏՕ-ին անդամակցելու գործընթացի վրա» հարցին ի պատասխան՝ Միլլերը նշել է․ «Ոչ չենք կարծում, որ դա որևէ ազդեցություն կունենա, և թուրքական ընկերությունների դեմ պատժամիջոցները կապված չեն Շվեդիայի՝ ՆԱՏՕ-ի անդամակցության հետ»։
Միլլերի հաղորդմամբ՝ ԱՄՆ-ը Թուրքիային հայտնել է, որ կարևորում է վերոհիշյալ անդամակցությունը։
«Մենք թուրքական կառավարության հետ կառուցողական և սերտ հարաբերություններ ունենք։ Թուրքիան մեզ համար արժեքավոր դաշնակից է»,-ասել է խոսնակը։
Նա նաև հիշեցրել է վերջերս ԱՄՆ նախագահ Ջո Բայդենի և Թուրքիայի նախագահ Ռեջեփ Թայիփ Էրդողանի միջև կայացած հանդիպումը։
Նշենք, որ ԱՄՆ ֆինանսների նախարարությունը հայտարարություն էր տարածել, որ Օտարերկրյա ակտիվների վերահսկողության գրասենյակը (OFAC) սահմանել է մոտ 100 պատժամիջոց, իսկ ԱՄՆ Պետդեպարտամենտը իր պատժամիջոցների ցանկում ավելացրել է ավելի քան 70 մարդու։ Նշվում է, որ պատժամիջոցների ցանկում ընդգրկվել են Թուրքիայի տարածքում գործող 3 ընկերություն և Թուրքիայի մեկ քաղաքացի, որոնք աջակցել են Ռուսաստանին պատժամիջոցներից խուսափելու հարցում։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |