Թուրքիայում կյանքի միջին տևողությունը նվազել է

Հասարակական09:53, 19 Սեպտեմբեր 2023

Թուրքիայում կյանքի միջին տևողությունը նվազել է

Թորքիայի վիճակագրական ծառայությունը (TÜİK) հրապարակել է «Կյանքի աղյուսակ, 2020-2022» վիճակագրությունը:

Ըստ այդմ՝ Թուրքիայում մարդու կյանքի միջին տևողությունը ծնունդից մինչև մահ սահմանվել է 77.5 տարի, ինչը 0.2-ով ցածր է 2019-2021 թթ-ի համար սահմանված կյանքի միջին տևողությունից:

Տղամարդկանց համար վերոհիշյալ տարիքը սահմանվել է 74.8-ը, իսկ կանանց համար՝ 80.3-ը:

Ընդանուր առմամբ կանայք տղամարդկանցից ավելի երկար են ապրում: Նրանց կյանքի միջին տևողության տարբերությունը 5.5-ի է հասնում:

Վիճակագրության մեջ առկա են Թուրքիայում 15 տարեկանը ոլորած մարդկանց կյանքի միջին տևողության մասին հաշվարկներ ևս:

Ըստ այդմ էլ՝ նրանց միջինում մնացել է ապրելու 63.5 տարի: Սակայն այստեղ ևս տղամարդկանց կյանքի տևողությունը կարճ է սահմանվել:

15 տարեկանում տղամարդկան կմնա ապրելու միջինում 60.8, իսկ կանանց՝ 66.2 տարի:

Նմանատիպ վիճակագրություն է կազմված նաև Թուրքիայում բնակվող 30, 50 և 65 տարեկան մարդկանց համար:

30 տարեկաններին մնացած կյանքի միջին տևողությունը 48.9 է սահմանվել: Այդ տարիքում տղամարդկանց մնում է ապրելու՝ 46.3, իսկ կանանց՝ 51.5 տարի:

50 տարեկանը ոլորածներին մնացած կյանքի միջին տևողությունը հաշվարկվել է 29.8 տարի: Այս պարագայում արական սեռի ներկայացուցիչներին մնում է ապրելու 27.4, իսկ իգական սեռի ներկայացուցիչներին՝ 32.2 տարի:

Իսկ 65 տարեկան բնակիչների համար մնացած կյանքի միջին տևողությունը 17.1 տարի է: Տղամարդկանց և կանանց միջև կյանքի տևողության տարբերությունն այս տարիքում կազմում է 3.5 տարի:

Ըստ այդմ՝ տղամարդիկ 65 տարեկանում ապրում են ևս 15.3, իսկ կանայք՝ 18.8 տարի:

Աղբյուր` ntv.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։