Քաղաքական17:57, 26 Սեպտեմբեր 2023
Ըստ ռուս վերլուծաբանի՝ ՀԱՊԿ-ը նման է առանց բռնակների ճամպրուկի
Թուրքական ազգայնական ուղղվածություն ունեցող «Milliyet» կայքն անդրադարձել է վերջին օրերին Հայաստանի, Արցախի և Ադրբեջանի շուրջ տեղի ունեցող զարգացումներին։
Կայքը ներկայացրել է ամերիկյան «Associated Press»-ի (AP) այն միտքը, թե Թուրքիայի նախագահ Ռեջեփ Թայիփ Էրդողանի՝ երկուշաբթի օրը Նախիջևան կատարած այցով և Ադրբեջանին հայտնած աջակցությամբ ևս մեկ անգամ տեսանելի է, որ Մոսկվայի ազդեցությունը Հարավային Կովկասում նվազում է, իսկ Բաքվի ամենամեծ դաշնակից Անկարայի ազդեցությունը՝ աճում։
«AP»-ն նաև նշում է, որ Էրդողանն ու Ալիևը Թուրքիայի հետ ցամաքային սահման ունեցող Նախիջևանում նոր էներգետիկ համաձայնագիր են ստորագրել, «AFP» լրատվական գործակալությունը ևս անդրադարձել է թեմային։
«AFP»-ի հետ զրուցած վերլուծաբանները նշում են, որ Հարավային Կովկասի բնակչությանը, որին Ռուսաստանը տասնամյակներ շարունակ դիտել է որպես իր «ետնաբակ» (նկատի ունի թիկունքային ուժ-խմբ․), արագորեն նվազում է։ Գործակալությունը գրել է, որ Մոսկվան չի միջամտել Ղարաբաղի վերաբերյալ հարցին, որն անցել է Ադրբեջանի վերահսկողության տակ։
«AFP»-ի հետ զրույցում Կովկասի հարցերով անկախ փորձագետ Գելա Վասաձեն ասել է. «Եթե ռուսական պետությունը համակարգված չթուլանար, այն, ինչ տեղի ունեցավ Ղարաբաղում, անհնար կլիներ: Ռուսաստանն այլևս ոչ մի ռեսուրս չունի Կովկասի խնդիրը ձևավորելու համար»:
Մեկ այլ վերլուծաբան՝ Արկադի Դուբնովն էլ ասել է, որ բանից պարզվեց ռուս խաղաղապահները կողմերից մեկի՝ Ադրբեջանի առաջ թույլ են:
Նա ընդգծել է, որ Մոսկվայի չեզոքությունը թե՛ 2020թ-ի 44-օրյա պատերազմում, թե՛ սեպտեմբերի 19-ին սկսված և 24 ժամվա ընթացքում Ադրբեջանին հաղթանակ ռազմական գործողություններում մեծ հիասթափություն էր հատկապես հայ ազգայնականների համար, և պաշտոնական Երևանը Ռուսաստանի փոխարեն նոր դաշնակից է փնտրում։
«Վերջերս ոչ ոք նույնիսկ չի խոսում ՀԱՊԿ-ի մասին, կարծես թե այն գոյություն չունի։ Եվ սա է ճշմարտությունը»,- ասել է Դուբնովն ու ավելացրել, որ ՆԱՏՕ-ին որպես այլընտրանք ստեղծված այդ կազմակերպությունը (իմա՝ ՀԱՊԿ) նման է առանց բռնակների ճամպրուկի։
Ըստ վերլուծաբանի՝ Մոսկվան, չկարողանալով իր դաշնակիցներին որևէ տեսլական առաջարկել, խրվել է անցյալում և կորցնում է իր ազդեցությունը։ Դուբնովը հավելել է, որ Ադրբեջանն օգտվում է Ռուսաստանի՝ «ուկրաինական ճահիճում հայտնվելու» առիթից։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |