Միջազգային11:45, 27 Սեպտեմբեր 2023
Էրդողան. «Մենենդեսի քաղաքականությունից դուրս գալը մեզ առավելություն է ապահովում»
Սեպտեմբերի 25-ին Թուրքիայի նախագահ Ռեջեփ Թայիփ Էրդողանը Նախիջևանից վերադառնալիս օդանավում զրուցել է լրագրողների հետ:
Նա, անդրդադառնալով ԱՄՆ-ի կողմից Թուրքիային F-16 կործանիչների վաճառքին, նկատել է, որ ԱՄՆ Կոնգրեսի Հայկական հարցերով հանձնախմբի անդամ Ռոբերտ Մենենդեսի դուրս գալը քաղաքական աշխարհից իրենց օգտին է:
«ԱՄՆ-ից մեր երկրին F-16-ի վաճառքի և արդիականացման ամենից մեծ խոչընդոտներից մեկը ամերիկացի սենատոր Բոբ Մենենդեսն է, ով իրեն վերաբերող կոռուպցիոն մեղադրականից հետո ժամանակավորապես սպիտված է թողնել իր պաշտոնը»:
Էրդողանը հիշեցրել է, որ օրերս Թուրքիայի արտգործնախարարը հանդիպել է ԱՄՆ պետքարտուղար Էնթոնի Բլինքենի հետ։
«Այդ հանդիպումները դեռևս շարունակվում են: Սակայն հիմա այս իրավիճակը (նկատի է առնվում Մենենդեսի քաղաքականությունից դուրս գալը) հնարավորության վերածելով՝ Բլինքենի հետ նորից հանդիպելն առավելություն ունի»:
Թուրքիայի նախագահն հավելել է նաև, որ կործանիչների վաճառքի իրականացմանը միայն Մենենդեսը չի, որ խոչընդոտում է:
«Ոչ միայն F-16-երի, նաև այլ բոլոր հարցերում Մենենդեսն ու իր մտածելակերպն ունեցող մարդիկ մեր նկատմամբ խոչընդոտներ ստեղծելու քայլեր են իրականացնում: Մենենդեսի ասպարեզից դուրս գալը մեզ առավելություն է ապահովում, սակայն F-16-երի խնդիրը միայն Մենենդեսի հետ կապված հարց չէ»:
Բացի այդ, Էրդողանն ընդգծել է, որ նման իրավիճակը գուցե հնարավորություն տա իրենց արագացնելու F-16-երի վաճառքի հետ կապվածը գործընթացը:
Նշենք, որ ըստ ամերիկյան «CNN» հեռուստաալիքի՝ Նյու Ջերսիից դեմոկրատ սենատոր Բոբ Մենենդեսին սեպտմեբերի 22-ին 10 տարվա մեջ արդեն երկրորդ անգամ մեղադրանք է առաջադրվել կոռուպցիայի հետ կապված հանցագործությունների համար:
Համաձայն դաշնային մեղադրական եզրակացության՝ Մենենդեսը և նրա կինը՝ Նադին Արսլանյան Մենենդեսը, մեղադրվում են սենատորի ազդեցության դիմաց «հարյուր հազարավոր դոլարներ կաշառք ստանալու»:
Դատախազները պնդում են, որ կաշառքը ներառում է ոսկի, կանխիկ գումար, տների հիփոթեքի վճարումներ, ինչպես նաև շքեղ մեքենաներ:
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
Ստորագրահավքի արդյունքները ներկայացվելու են Թուրքիայի խորհրդարան (մեջլիս):
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |