ԱՄՆ-ն պատժամիջոցներ է սահմանել Թուրքիայի մի շարք քաղաքացիների և ընկերությունների նկատմամբ

Ռազմական18:35, 28 Սեպտեմբեր 2023

ԱՄՆ-ն պատժամիջոցներ է սահմանել Թուրքիայի մի շարք քաղաքացիների և ընկերությունների նկատմամբ

ԱՄՆ ֆինանսների նախարարության ահաբեկչության և ֆինանսական հետախուզության հարցերով քարտուղարի տեղակալ Բրայան Նելսոնը հայտարարել է Թուրքիայի, Իրանի, Չինաստանի և Արաբական Միացյալ Էմիրությունների (ԱՄԷ) բնակիչների, ինչպես նաև այդ երկրներում գործող մի շարք ընկերությունների նկատմամբ պատժամիջոցներ կիրառելու մասին:

Պատժամիջոցները բացատրվել են ռուս-ուկրաինական հակամարտության ֆոնին իրանական հարվածային անօդաչու թռչող սարքերի (ԱԹՍ)՝ «Shahed-136»-ի պատրաստման հարցում Իրանին և Ռուսաստանին տրամադրված այս կամ այն օգնությամբ:

Նշվել է, որ վերոհիշյալ ընկերությունների կողմից ԱԹՍ-ն պատրաստելու նպատակով տրամադրված մասերը հայտնաբերվել են Ուկրաինայի տարածքում խոցված «Shahed-136»-ի մասունքներում:

Հիշեցնենք, որ 2022-ի փետրվարի 24-ից ի վեր Ռուսաստանի կողմից Ուկրաինայում իրականացվող հատուկ ռազմական օպերացիան սկսելուն պես ԱՄՆ-ը և Եվրամիությունը (ԵՄ) Ռուսաստանի դեմ մի շարք պատժամիջոցներ են կիրառել և մինչ օրս շարունակում են իրականացնել նմանօրինակ գործողություններ:

Չնայած այն բանին, որ Իրանը և Ռուսաստանը շարունակում են հերքել «Shahed-136»-ի կիրառումը հատուկ ռազմական օպերացիայի շրջանակներում, ԱՄՆ-ն և Ուկրաինան շարունակում են պնդել հակառակը և մեղադրել Իրանին հակամարտության մեջ ներքաշվելու համար:

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: