Ահաբեկչության փորձ Անկարայում (Լուսանկարներ)

Տարածաշրջան12:57, 01 Հոկտեմբեր 2023

Ահաբեկչության փորձ Անկարայում (Լուսանկարներ)

Հոկտեմբերի 1-ին Թուրքիայի մայրաքաղաք Անկարայի Չանքայա թաղամասում գտնվող «Kızıl ay» առևտրի կենտրոնի մոտ պայթյունի և կրակոցների ձայներ են լսվել։ Թուրքական մեդիան հայտնում է, որ ճանապարհը, որտեղ տեղի է ունեցել պայթյունը, տանում է դեպի Թուրքիայի խորհրդարանի շենք։

Թուրքիայի ներքին գործերի նախարար (ՆԳՆ) Ալի Յերլիքայայի տարածած հաղորդագրության համաձայն՝ ահաբեկչություն իրականացնելու փորձ է եղել։

Մասնավորապես առավոտյան տեղական ժամանակով 9։30-ի սահմաններում թեթև մարդատար մեքենայով երկու ահաբեկիչ շարժվել են ՆԳՆ մուտքի ուղղությամբ և ձեռքի նռնականետից կրակ բացել, ինչի հետևանքով էլ 2 ոստիկան թեթև վնասվածք է ստացել։

Տեղեկացվում է նաև, որ դեպքից հետո ահաբեկիչներից մեկը պայթեցրել է ինքն իրեն, իսկ մյուսը՝ ձերբակալվել։

Այս պահին դեպքի վայրում գտնվում են մեծ թվով ոստիկաններ։ Իրականացվում են անվտանգային միջոցառումներ։ Ճանապարհը ներկա դրությամբ երթևեկության համար փակ է։

Աղբյուր` Anadolu

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: