Տնտեսական17:58, 03 Հոկտեմբեր 2023
Թուրք նախարար. «Թուրքիան մտադիր է ավելի ամրապնդել Ադրբեջանի հետ իր հարաբերությունները»
Ադրբեջանի մայրաքաղաք Բաքվում հոկտեմբերի 3-ին մեկնարկել է «նորարարական արդյունաբերության ոլորտներում ծառայության արտահանման B2B հանդիպումները»:
Հանդիպումներին մասնակցել են ադրբեջանցի և թուրք գործարարներ, Անկարայի առևտրի պալատի (ATO) և փոքր ու միջին բիզնեսների զարգացման և աջակցման վարչակազմի ղեկավարությունը (KOSGEB):
Բացի այդ, ATO-ի աջակցությամբ KOSGEB-ի կողմից կազմակերպված միջոցառման բացման արարողությանը մասնակցել են Թուրքիայի արդյունաբերության և տեխնոլոգիաների նախարար Մեհմեդ Ֆաթիհ Քաջըրը, Բաքվում Թուրքիայի դեսպան Ջահիթ Բախչըն, Ադրբեջանի գործարարաների կոնֆեդերացիայի (ASK) նախագահ Մեմմեդ Մուսայեվը, Ադրբեջանի փոքր և միջին բիզնեսների զարգացման գործակալության (KOBİA) փոխնախագահ Հիքմեթ Մեմմեդովը, Ադրբեջանում Թուրքիայի գործարարների միության նախագահ Ջեմալ Յանգընը և ATO-ի նորարական հանձնաժողովի նապագահ Բերթաթ Քուզուն ու այլ գործարարներ:
Միջոցառման բացման ելույթի ժամանակ ATO-ի նախագահի ժամանակավոր պաշտոնակատար Հալիլ Իբրահիմ Յըլմազն հայտարարել է. «Նորարարության բնագավառների գալիք հարյուրամյակն անխուսափելի է»:
Ելույթ է ունեցել նաև Քաջըրը, ով խոսել է թուրքական պետությունների հետ ավելի ամուր հարաբերություններ ստեղծելու Թուրքիայի մտադրության մասին:
«Թուրքիան առաջիկայում ավելի ամուր հարաբերություններ է ստեղծելու ինչպես Ադրբեջանի, այնպես էլ այլ թուրքական պետությունների հետ: Թուրքիան շարունակելու է աջակցել գործարաների փոխգործակցությանը»:
Ըստ թուրք նախարարի՝ Թուրքիայի և Ադրբեջանի գործարարների միջև համագործակցությունը հանգեցնելու է երկու երկրների հարաբերությունների էլ ավելի խորացմանը:
Նա նաև նշել է, որ Թուրքիան պաշտպանական արդյունաբերության ոլորտում հաջողություններ է գրանցել և այդ փորձը ապագայում կիրառելու է արդյունաբերության այլ ճյուղերում և ծառայություններում:
«Մեր պաշտպանական արդյունաբերության արտադրանքի արտահանման ծավալը հասել է 6 մլրդ դոլարի, այնինչ 20 տարի առաջ 240 մլն էր: Գալիք տարի պլանավորում ենք այն հասցնել 10 մլրդ-ի»:
Քաջըրի համոզմամբ՝ այս համատեքստում զգալի առաջընթաց ունի նաև Չինաստանը, սակայն ըստ նրա՝ Թուրքիան Չինաստանից ավելի շատ երկրների է սեփական արտադրության զինամթերք մատակարարում:
Նշենք, որ միջոցառումը Բաքվում կանցկացվի մինչև հոկտեմբերի 6-ը: Դրա շրջանակներում պլանավորվում են հանդիպումներ շուրջ 100 թուրքական և ադրբեջանական ընկերությունների միջը:
Այս ենթաբաժնի վերջին նորությունները
Թուրքիայի գանձապետարանի ու ֆինանսների նախարար Մեհմեդ Շիմշեքը ԱՄՆ կատարած այցի շրջանակներում Համաշխարհային բանկի հետ ստորագրել է 4 նախագծի ֆինանսավորման համաձայնագիր։
Հանդիպմանը կողմերը ստորագրել են փոխըմբռնման հուշագիր «Հանքարդյունաբերության ոլորտում համագործակցության» վերաբերյալ։
Թուրքիայի գանձապետարանի ու ֆինանսների նախարարության կենտրոնական կառավարությունը հրապարակել է կենտրոնական կառավարության համախառն պարտքի տվյալները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ի՞նչ է հայտնի հարձակման վերաբերյալ, ինչու՞ հիմա և ինչո՞վ է պայմանավորված վայրի ընտրությունը։ Ermenihaber.am-ը զրուցել է թուրքագետ Էլյա Հարությունյանի հետ։
Գործողությունը միտված է եղել իրենց կողմից ահաբեկչական համարվող «Քուրդիստանի բանվորական կուսակցության» դեմ: Այն հաջորդել է Անկարայի ահաբեկչությանը:
«Քուրդիստանի բանվորական կուսակցության» առաջնորդն այսպես է արձագանքել ԱՇԿ առաջնորդ Բահչելիի հայտարարությանը:
Ֆեհմի Քորուն հիմնական շեշտադրումն արել է դեպքի վայրից PKK-ի այցեքարտի հայտնաբերման վրա:
Օդանավակայաններում նախազգուշական միջոցները հասցվել են նարնջագույն տագնապի մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |