Տարածաշրջան11:34, 09 Հոկտեմբեր 2023
Թուրքիայի Վան և Բիթլիս նահանգներում բազմամարդ ցույցեր են՝ ի աջակցություն պաղեստինցիների
Ի թիվս այլ վայրերի՝ Թուրքիայի Վան և Բիթլիս նահանգներում նույնպես ցույցեր են կազմակերպվել՝ ի զորակցություն Պաղեստինի և պաղեստինցիների։
Քրդական «Ազատ դատ» կուսակցության (Hür Dava Partisi/HÜDA PAR/) անդամները կուսակցության տարածքայի ղեկավարի առաջնորդումթյամբ հավաքվել են Վանի ամրոցի հարևանությամբ գտնվող այգում՝ շարասյուն կազմելով և Ղուրանը կարդալուց հետո ուղևորվել Բեսելի հրապարակում գտնվող Հազրաթի Ումար մզկիթ։
Ղուրանի ընթերցումից հետո կուսակցության նախագահ Էմրե Այջանը հայտարարություն է տարածել, որում ասել է, որ Պաղեստինի ժողովրդի և տարածքի դեմ ուղղված համակարգված օկուպացիան և բռնությունը շարունակվում են ավելի քան մեկ դար։
Այջանը նշել է, որ Պաղեստինի ժողովուրդը պաշտպանում է իր տարածքները և իր քաղաքացիներին ցեղասպանությունից և օկուպացիայից և հավելեց հետևյալը.
«Ամեն օր, չնայած մարդկային կորուստներին, Պաղեստինի ժողովուրդը ամրապնդում է իր դիմադրությունը բոլոր ճակատներում: Մենք ողջունում ենք Պաղեստինի ժողովրդի ազնիվ դիմադրությունը և աղոթում նրանց հաջողության համար: Թող Ամենակարողը օգնի նրանց և հասցնի հաղթանակի: Մահմեդականների բոլոր պաշտոնական և քաղաքացիական տարրերը, տնտեսապես, ռազմական և հոգևոր առումներով, պետք է աջակցեն իրենց մահմեդական եղբայրներին»:
Քրդական «Ազատ դատ» կուսակցությունը Պաղեստինը դիտարկում է որպես անբաժանելի մի ամբողջություն՝ Երուսաղեմով որպես մայրաքաղաքով և սուրբ հողերով ու վայրերով, որոնք կապված են իսլամի հետ, և պատրաստ է աջակցել պաղեստինցիների պայքարին։
«Մենք կոչ ենք անում իսլամական աշխարհին մի կողմ թողնել բոլոր տարաձայնությունները և աջակցել Պաղեստինին: Մենք չպետք է մոռանանք, որ սիոնիզմը թունավոր դանակ է, որը խփվել է իսլամական աշխարհի սրտում»,- ասում է կուսակցության հայտարարության մեջ։
Բիթլիս նահանգի Թաթվան քաղաքում ցուցարարները հավաքվել են Իբադուլլահ մզկիթում։ Մասնակիցները բողոքել են Գազայի հատվածի վրա իսրայելական օդային հարձակումների դեմ և կարգախոսներ վանկարկել՝ ի պաշտպանություն Պաղեստինի:
Հայտարարությունից հետո ընթերցվել է Ղուրանը և կատարվել մուսուլմանական աղոթքներ։
Այս ենթաբաժնի վերջին նորությունները
Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։
Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն:
Աբբաս Արաղչին հեռախոսազրույց է ունեցել Հաքան Ֆիդանի հետ։ Կողմերն անդրադարձել են Թուրքիայի ներքաղաքական իրավիճակին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |