Քաղաքական17:07, 19 Հոկտեմբեր 2023
Reuters-ի գնահատմամբ` Թուրքիայում աճում է Իսրայելի դեմ ուղղված զայրույթը
Բրիտանական «Reuters» լրատվական գործակալությունը հայտնում է, որ Իսրայելի դեմ ուղղված զայրույթը Թուրքիայում աճում է Գազայի Ալ Ահլի Բափթիստ հիվանդանոցի հրթիռակոծումից հետո։
Գազայի հատվածի հիշյալ հիվանդանոցի վրա կատարված հարձակումից հետո առնվազն 800 պաղեստինցի է զոհվել: Պաղեստինյան իշխանություններն ասում են, որ դրա հետևում կանգնած է իսրայելական օդային հարվածը, մինչդեռ Իսրայելի զինված ուժերն ասում են, որ դա «Իսլամական ջիհադ» հրթիռի անհաջող արձակման արդյունք է: Ի պատասխան այս ողբերգության՝ Թուրքիան եռօրյա սուգ է հայտարարել՝ ի հիշատակ պաղեստինցիների։ Բացի այդ Թուրքիայի բազմաթիվ քաղաքներում բողոքի ցույցեր են կազմակերպվել Իսրայելի դեմ։
«Reuters»-ում հրապարակված «Թուրքիայում աճում է Իսրայելի դեմ ուղղված զայրույթը» վերլուծական հոդվածում նշվում է, որ Թուրքիայի նախագահ Ռեջեփ Թայիփ Էրդողանը հարձակումն անվանել է «իսրայելական գործունեության վերջին օրինակը, որը զուրկ է հիմնական մարդասիրական արժեքներից»:
«Ամբողջ գիշեր թուրքերը պաղեստինյան դրոշներով քայլել են առնվազն մեկ տասնյակ քաղաքներում, այդ թվում՝ մայրաքաղաք Անկարայում Իսրայելի դեսպանատան դիմաց և վանկարկել Իսրայելը դատապարտող կարգախոսներ»,- ասվում է հոդվածում։
Նշվում է նաև, որ Իսրայելի ազգային անվտանգության խորհուրդը հորդորել է Թուրքիայում գտնվող իսրայելցիներին հնարավորինս շուտ լքել երկիրը։
«Reuters»-ն եզրակացնում է, որ դա կարող է լուրջ հետևանքներ ունենալ Իսրայելի և Թուրքիայի հարաբերությունների վրա, և որ Անկարան այժմ կարող է ավելի կոշտ դիրքորոշում ընդունել Իսրայելի դեմ: Էրդողանը կարող է անգամ որոշել հրաժարվել Իսրայելի հետ սերտ հարաբերություններից, որոնք սկսվել են 2022 թվականին՝ երկու երկրների միջև ավելի քան մեկ տասնամյակ լարված հարաբերություններից հետո։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |